1 Pirlat no Watong
2 Sige i tale bia na hinawas ta ira dadas na pinapalim tano Watong,
3 A haraidaan na kis ta diet ing diet mur ira takodasiana harkurai,
4 Watong, lik leh iau ing nu harahut ira num matanaiabar.
5 waing iau nigi nes ira bilai na kinkinis audiet ing u gate gilamis diet,
6 Mehet gate gil magingin sakena hoing ira hintubu mehet diet ga gil.
7 Ing ira hintubu mehet diet ga kis taar Isip,
8 Iesen no Watong ga halon diet wara gaiena no hinsana,
9 Ga boor no Dardarana Tes ma ga mamasa.
10 Ga halon leh diet sukun ira lima diet ing diet ga malentakuane diet.
11 No tes ga kasar ira nudiet ebar
12 Io, diet ga nurnur um ta ira uno kunubus
13 Iesen diet ga luban hagasiaan ira linge ing gate pakile
14 Aram ra hanuo bia diet ga ngurungur wara adiet ta nian
15 Kaik, ga tabar diet ma ira linge ing diet ga saring,
16 Tano subaan diet ga sangeh taar tana, diet ga bala ngungut taar ta Moses
17 No pise ga tamapapos ma ga kanam ne Datan
18 Tiga iaah ga lulungo nalamin ta diet ing diet ga murmur dir.
19 Kaia hono uladih Sinai diet ga gil puan tiga palimpuo hoing tiga sigar bulumakau,
20 No udiet God nong a tamat na minamarine, diet ga kios ie
21 Diet ga lik luban no God nong ga halon diet,
22 Diet ga lik luban ira uno dadas na pinapalim na kinarup kaia tano pise ta Haam
23 Io, God ga tange bia na haliare diet.
24 Io, diet ga miliguruane no bilai na pise.
25 Diet ga ngurungur narako ta ira nudiet palpalih
26 Kaik, gaam hasasalim taar ta diet
27 ma na bu bing ira udiet bulumur kaia ta ira taman ta ira mes na kantri
28 Diet ga mur ira mes wara lalotu tupas Baal nong me Peor
29 Diet ga hangalngaluan God ma kaike ra udiet sakana magingin,
30 Iesen Pinias ga tur naliu ma ga tur bat no udiet sakana magingin,
31 Ma God ga was leh iakano linge nong Pinias ga gil ie hoing i haruat bia Pinias i takodas ra matmataan tana,
32 Diet ga gil hangalngaluan God aram ra taah Meriba,
33 Diet ga patnau tano Tanuo tane God,
34 Diet pa ga haliare ira mes na hunhuntunaan
35 iesen diet ga goota tika ma kaike ra hunhuntunaan ta ira mes na hanuo,
36 Diet ga lotu tupas ira udiet palimpuo,
37 Diet ga hartabar ma ira nati diet tunaan
38 Ira nati diet pa ga gil ta sakena,
39 Diet ga habilinge habalin at diet ma ira linge diet ga pakile.
40 Io kaik, God ga ngalngaluan taar ta ira uno matanaiabar
41 Ga tar se diet taar ta ira lima diet ira hunhuntunaan ta ira mes na hanuo
42 Ira udiet ebar ga helar ta diet
43 Haleng pakaan no Watong ga halon diet sukun ira udiet ebar,
44 Iesen ga nas tar ira udiet tinirih
45 Ga lik leh no uno kunubus wara gaie diet,
46 Ga gil ira tunotuno ing diet ga palim kawase tar diet
47 Watong, no numehet God, halon pukus mehet,
48 A pirhakasing tupas no Watong, no God ta Israel,