1 E Nahano! Ukengeerage ngiisi kwo twâli kizi libuuka!
2 Ngiisi byo tukahyana, ibinyamahanga keera bikatushahula byo,
3 Bwo badaata batakiri ho, tukolaga fuuvi.
4 Amagoloovi giitu, leero tukola mu gagula.
5 Ikyanya bali mu tukoleesa ku kahaati, tuli mu himbuka.
6 Keera tukayibiikaga mu maboko gaꞌBamiisiri naꞌBahasuriya,
7 Ala twe! Bashokuluza biitu, bo bâli kizi yifunda mu byaha.
8 Abaja, bo bakoli ba batwali biitu,
9 Mu kuloozagya ibyokulya biitu, tuli mu yibiika ho twangasiga amatwe.
10 Buno, tukoli shalisiri bweneene,
11 Mu kaaya keꞌSayuni, kiri na mu kihugo kyoshi kyeꞌBuyuda,
12 Abatwali biitu bakagendi manikirwa ku maboko gaabo.
13 Imisore iri mu hidikwa, mbu igendi shya ingano.
14 Abashaaja batakiri mu kuumana, mbu bashubi hanuulana.
15 Imitima yitu itaki shambiiri.
16 Injembe, keera zanyugutulwa ku matwe giitu!
17 Imitima yitu ikoli vunisiri.
18 Umugazi Sayuni gukolaga mushaka.
19 Kundu kwokwo, e Nahamwitu! We yamiri uli mwami.
20 Aahago! Kituma kiki uki tuyibagiiri?
21 E Nahano! Utugalulirage imwawe, tushubi ba bandu baawe!
22 Aaho! Ka keera wayami tulahira lwoshi-lwoshi?