1 «Ngoli shombiri uburambe bwani.
2 Ngabwira Rurema: “Utalunguli ndwira ulubaaja kwo nahuba.
3 Ikyanya uli mu ndibuza, uli mu yunguka biki?
4 Amasu gaawe, ka gali mu ba ngaꞌmasu goꞌmundu?
5 Isiku zaawe, ka ziri nyoofi ngeꞌzeꞌmwitu?
6 Aaho! Kituma kiki uki gweti ugakulikiriza ubuligo bwani?
7 Uyiji-yiji kwo ndagweti buhube.
8 «“Yago maboko gaawe, go gakandema.
9 We kongwa we! Ukengeere kwo ukandema mu luvu.
10 Si we kambumba mu nda ya maawe,
11 We kananika amavuha gaani, neꞌmisi yani.
12 We kanambiika mwoꞌbugumaana, wanakizi ngunda.
13 «“Kundu kwokwo, wâli njungikiiri agandi-gandi magambo.
14 Wâli kizi lindirira ulole iri ngaagira ibyaha.
15 Iri nangaba ndi nangora-mabi, yayewe imwani.
16 Iri nangayinamula itwe naaho, uli mu yami mbiiva nga ndare,
17 Uli mu leeta utumasi twoꞌkukizi ndega.
18 «“E Rurema, kituma kiki ukandyosa mu nda ya maawe?
19 Nâli ngatwalwa iwa shinda,
20 Ngoli hiiti isiku niini naaho, mbuli fwa.
21 Ngola ngalyoka, ngende mu kihugo kyeꞌkihulu kya namudidi.
22 Yikyo kihugo, kiyidisiri mweꞌkihulu ngana-ngana.