1 Nahano adetaga kwokuno:
2 Muli mu gendi tabaaza Abamiisiri,
3 Aahabi! Kundu mwangayihega ku Faraho,
4 Uyo Faraho, biri ukuli kwo atwaziri ahandu hingi,
5 Kundu kwokwo, abandu iri bangamúlangaalira, bagateteerwa ngana.
6 Ku biloziri inyamiishwa za mwiꞌshamba lyeꞌkisaka, Rurema adetaga kwokuno:
7 Ee! Abamiisiri, ubutabaazi bwabo buli ndaabwo.
8 Nahano anabwiraga Hisaaya:
9 Yabo bandu, kundu Nahano ali mu bayigiriza, si batamútwaziizi.
10 Kundu bali mu kizi yerekwa amabone,
11 Mutwikire ukukizi tubwira hiꞌgulu lyoꞌlya Mutaluule waꞌBahisiraheeri.
12 Nahano, Umutaluule waꞌBahisiraheeri, anashuvya kwokuno:
13 Yikyo kyaha kiinyu kigayami mùleetera ubuhanya.
14 Ee! Mugapwamuuka, nga nyungu íyarasaanuka lwoshi-lwoshi.
15 Nahano Rurema, Umutaluule waꞌBahisiraheeri, ashubi detaga kwokuno:
16 Mukadeta, ti: “Twehe, íbitugooziri, tulonge ifwarasi, gira tukizi suula umulindi.”
17 Mu yabo bagoma, muguma naaho agabiika ikikando,
18 Kundu kwokwo, Nahano ali Rurema woꞌkuli.
19 E bandu beꞌSayuni, mwe mutuuziri i Yerusaleemu!
20 Nahano akatee mùheereza amakuba ngiisi lusiku nga mukate,
21 Hali ikyanya mwangahabukiraga ilulyo, kandi iri ilumosho.
22 Kwokwo, irya migisi yinyu, mukola mugagibona kwo iyulubiiri, munagikabulire.
23 Haaho, Nahano agashubi mùniekeza invula ku kyanya íkikwaniini. Munakizi byala imbuto, zinahembe, zinayere bweneene. Kiri neꞌbitugwa biinyu, munakizi biteereza.
24 Ishuuli zo mugweti mugalimiisa, kiri na bapunda, mugakizi biyuhirira ibyokulya íbiri tiita. Na mu kubiyuhirira, bigamùhuuna kwo mukizi koleesa inyiibo, neꞌmbahwa.
25 Ku yikyo kyanya, abagoma biinyu bagaaba keera baminikwa. Neꞌnyingo zoꞌtwaya twabo, zinabe zikola mishaka. Haliko mwehe, mu ngiisi migazi noꞌtugangazi, mugakizi hinga inyiiji.
26 Umwezi gugakizi yaka bweneene ngiꞌzuuba. Niꞌzuuba nalyo, umulengeerwe gwalyo, gugakizi yaka ubugira kalinda, ukuhima izindi siku. Kwokwo kwo bigaaba, ku kyanya Nahano agakizi lunga inguma zaꞌbandu baage. Kundu âli kizi bamotola, haliko agaki baholeeza.
27 Langiizi! Nahano akola mu yija ukulyoka hala.
28 Akola mu fuuha umuuka ngoꞌmwijulire,
29 E bandu ba Rurema, mwehe mugakizi yimba ku malega, iri munashambaala ngana-ngana, nga bandu ábakola mu yimba ku siku ngulu. Ubushambaale bwinyu bugaaba nga bwaꞌbandu ábakola mu zamuukira ku mugazi gwa Nahano, Ulwala lwaꞌBahisiraheeri. Bali mu kizi genda ku kisegengo, iri banalasa imiteera-teera.
30 Nahano agategeesa abandu amatwiri, balonge ukuyuvwa izu lyage lya kahebuuza.
31 Nahano agalunduma, anatondeere ukukubula Abahasuriya ingoni,
32 Balya Bahasuriya, Nahano yenyene agakizi balwisa. Iyo ngoni, ikyanya agakizi bakubula yo ubugira kingi, Abahisiraheeri bagashambaala, iri banalasa ingoma neꞌnzeeze.
33 Uyo mwami waꞌBahasuriya, Nahano âli mali gwanwa ashungika kwo agamújigiiviza i Topeti.