1 Ne dencɛ, ni i ka i yɛrɛ kɛ i mɔgɔɲɔgɔn ta juru ko seere ye,
2 ni i yɛrɛ darakan ka i mina o jan na,
3 ne dencɛ, i ka kan ka min kɛ ka i yɛrɛ bɔ, o le ye nin ye:
4 I kana a to sunɔgɔ ye don i ɲa ra ni a ma ɲanabɔ,
5 I yɛrɛ bɔsi i ko dagbɛ bɛ bori k’a yɛrɛ bɔsi donsocɛ boro cogo min na,
6 Ele salibagatɔ, taga dugumɛnɛninw flɛ,
7 Kuntigi tɛ o fɛ,
8 Nka ni simantigɛ sera, o bɛ o ta siman labɛn,
9 Ele salibagatɔ, ele bɛna wuri tuma juman le?
10 Ka sunɔgɔ dɔɔnin, ka i ɲa tugu ka jingɔ dɔɔnin,
11 ni i ka to o ra, fagantanya bɛna bara i ra i ko son bɛ bara mɔgɔ ra cogo min na,
12 Adamaden sɔnkolon, adamaden mɔgɔ terenbari,
13 A b’a ɲa kɔmikɔmi, ka ko dɔ fɔ,
14 Kumayɛlɛma b’a jusu ra,
15 O le kosɔn, cɛnri bɛna cun a kan yɔrɔnin kelen na,
16 Fɛn wɔɔrɔ bɛ yi, Matigi Ala bɛ minw kɔninya,
17 Mɔgɔ min b’a yɛrɛ fisaya tɔw ma,
18 mɔgɔ min jusukun bɛ terenbariyakow ŋaninya,
19 mɔgɔ seerejugu min bɛ faninya fɔ,
20 Ne dencɛ, i facɛ ta kumakan lamɛn,
21 O kumaw mara i jusukun na wagati bɛɛ,
22 Ni i bɛ tagama, o le bɛna i ta sira yira i ra,
23 Sabu o kumaw ye fitina le ye,
24 O le bɛna i tanga muso jogojugu ma,
25 I kana ta a cɛɲa ma, ka ɲabɔ a fɛ i jusukun na dɛ!
26 Jatɔmuso bɛ mɔgɔ borofɛn bɛɛ ban fɔ ka taga i ta sɔrɔta tɔ to buru kunkurunnin kelenpe ye,
27 Yala mɔgɔ bɛ se ka tasuma don i ta derege jukɔrɔ,
28 Yala mɔgɔ bɛ se ka tagama takami kan,
29 Cɛ min bɛ jɛn ni a mɔgɔɲɔgɔn ta muso ye, o tigi ta bɛ ten le,
30 Son min kɔngɔtɔ bɛ fɛn sonya k’a domu kɔngɔ kosɔn,
31 O bɛɛ n’a ta, ni a minana, a ka min sonya a bɛ o ɲɔgɔn wolonfla le sara,
32 Nka mɔgɔ min bɛ jɛnɛya kɛ ni walimuso ye, o tigi hakiri ka dɔgɔ;
33 O tigi tɛna foyi sɔrɔ ni bugɔri ni dɔgɔyari tɛ;
34 Sabu celiya bɛ furucɛ ta jusugban lawuri,
35 Bonyafɛn si tɛ se k’a jusu suma,