1 E, Matigi Ala, ko min sera an ma, i hakiri to o ra;
2 An ta cɛn yɛlɛmana ka kɛ siya wɛrɛ ta ye;
3 An kɛra feritaw le ye, sabu an facɛw tɛ yi;
4 An ka kan ka an ta ji minta san le;
5 An nɔgbɛnbagaw bɛ an kɔ tuma bɛɛ;
6 An bɛ Misirankaw, ani Asirikaw le daari,
7 An bɛmaw le ka terenbariyakow kɛ, nka olugu tɛ yan tuun;
8 Jɔnw le sigira an kunna;
9 An bɛ an nin le bla farati ra ka taga an ta domuni ɲini ka na;
10 Kɔngɔ gbanna an na, fɔ an fari bɛ an jɛnijɛni,
11 O benna Siyɔn dugu musow kan,
12 O boro ka an ta kuntigiw kan dulon juru ra;
13 An ta kanbelenw le bɛ wugusikabaw ɲu;
14 Dugu cɛkɔrɔbaw tɛ sigira dugu donda ra tuun,
15 Ɲagari banna an jusu ra pewu;
16 An ta masafugula benna ka bɔ an kun na;
17 Fɛn min k’a to an baraka banna;
18 o le ye ko Siyɔn kuru* kɛra yɔrɔ lakolon ye,
19 Nka ele kɔni Matigi Ala, ele bɛ i ta masaya ra wagati bɛɛ;
20 Mun kosɔn i ɲinana an kɔ pewu?
21 A to an ye sekɔ ka na i fɛ Matigi Ala, janko an ye sekɔ ka na;
22 Yala i bɛna ban an na ka an to yi pewu le wa?