1 Ezirahi setirige pyɔ Etan wi nagawa yurugo.
2 Mi yaa la Yawe Yɛnŋɛlɛ li kagbaraga ki koo yurugo ni sanga pyew,
3 Mi yɛn naga yuun fɔ ma kagbaraga ki yɛn wa fɔ sanga pyew,
4 We Fɔ, màa ki yo ma yo fɔ: «Mì yɔn finliwɛ le na tunmbyee Davidi ŋa mì wɔ wi ni,
5 ‹Mi yaa yeresaga kan ma setirige piile pe yeri fɔ sanga pyew,
6 Yawe Yɛnŋɛlɛ, naayeri wo naa wi nawa yaara ti ni ti yɛn nɔɔ sɔnni ma kagbɔgɔlɔ ke kala na,
7 Yawe Yɛnŋɛlɛ, ambɔ wi yɛn wa naayeri, ŋa wi mbe ya mboo yɛɛ taanla ma ni?
8 Yɛnŋɛlɛ li yɛn fyɛrɛ yaraga wa mbele pe yɛn kpoyi pe gbogolomɔ pi sɔgɔwɔ,
9 Yawe Yɛnŋɛlɛ, Yɛnŋɛlɛ na yawa pi ni fuun fɔ, yawa yɛn ambɔ ni paa mboro yɛn, Yawe Yɛnŋɛlɛ?
10 Kɔgɔje wi ka yiri mbaa tinni, mboro ma maa pye wi ma sinlɛ,
11 Mboro mà kɔgɔje yaripege Arahavu ki purugu maga pye gboo,
12 Naayeri wi yɛn ma woo, tara ti yɛn ma woro fun,
13 Mboro ma yɔnlɔparawa kamɛŋgɛ kɛɛ naa yɔnlɔparawa kalige kɛɛ ki ni ti da,
14 Fanŋga yɛn ma kɛɛ ki ni fɔ jɛŋgɛ,
15 Kasinŋge ko naa kaselege ki ni, to tɔ̀ɔn wunluwɔ pi teŋge,
16 Yawe Yɛnŋɛlɛ, mbaa ma sɔnni yuuro ni, cɛnlɛ na li woolo pe yɛn maga jɛn, fɛrɛwɛ yɛn pe woo!
17 Pe yaa la yɔgɔri suyi ma mɛgɛ ki kala na,
18 Katugu mboro ma yɛn pe gbɔgɔwɔ naa pe fanŋga ye,
19 Kaselege ko na, we tugurɔn sigeyaraga ki yɛn Yawe Yɛnŋɛlɛ mboro kɛɛ na,
20 Pilige ka, màa ma yɛɛ naga yariyanga ni, mbele pè pe yɛɛ kan ma yeri, ma para pe ni, ma yo fɔ:
21 Mìlan tunmbyee Davidi wi ta,
22 Mi jate mi yaa kɛɛ le wi ni mboo tɔgɔ,
23 Wi jugu wi se ya pan mboo fo,
24 Mi yaa kaa winfɛnnɛ pe tɔngɔlɔ wa wi yɛgɛ,
25 Mi yaa pye sɛnrɛ nuŋgba yofɔ wi ni mbe kagbaraga pye wi kan,
26 Mi yaa kɔgɔje wi le wi kɛɛ,
27 Wo na, wi yaa kaa na yɛnri mbaa yuun fɔ:
28 Mi wo na, mi yaa kaa pye na pinambyɔ koŋgbanŋa,
29 Mi yaa ti na kagbaraga ki koro wi ni fɔ sanga pyew,
30 Mi yaa ti setirige piile mbaa yinrigi wi puŋgo na suyi,
31 «Na wi setirige piile paga na lasiri wi wa,
32 na paga na kondɛgɛŋgɛlɛ ke jɔgɔ,
33 pa kona mi yaa yiri pe kɔrɔgɔ kanŋgaga ni mbe pe jɔlɔ pe mbalogowo pi kala na;
34 Ɛɛn fɔ mi se na kagbaraga ki yaga wi kanŋgɔlɔ,
35 Mi se na yɔn finliwɛ pi jɔgɔ wi ni,
36 Mìla wugu wugusaga nuŋgba ki wogo na, mi yɛn kpoyi yɛgɛ ŋga na ki na,
37 Setirige piile yaa la yinrigi wi puŋgo na suyi,
38 Pi yaa yeresaga ta fɔ sanga pyew paa yeŋge ki yɛn,
39 Ɛɛn fɔ, we Fɔ, konaa ki ni fuun, mà je wunluwɔ ŋa mà sinmɛ kpoyi wo wi na maa wɔ wi na, màa wa,
40 Yɔn finliwɛ mba màa le ma tunmbyee wi ni, màa jɔgɔ,
41 Màa malaga sigemboro ti ni fuun ti jaanri,
42 Torofɛnnɛ pe ni fuun pòo yaara ti koli,
43 Wi winfɛnnɛ mà pe kotogo ki kan pe na,
44 Màa ti wi tokobi wii ya kala la yɔn,
45 Wi wunluwɔ gbɔgɔwɔ màa kɔ,
46 Màa wi lefɔnrɔ piliye yi were,
47 Yawe Yɛnŋɛlɛ, ma yaa koro mbaa ma yɛɛ lara fɔ sa gbɔn wagati wiwiin?
48 Ma jatere wi tɛgɛ ki na fɔ na yinwege ki woro sa,
49 Lere wiwiin wi yɛn wa, wi yaa koro yinwege na wi se ka ku?
50 E, Yawe Yɛnŋɛlɛ, kagbaraga ŋga màa pye na piin fafafa, ki kari se yeri?
51 E, we Fɔ, leele pe yɛn nɔɔ tunmbyeele pe tifaga yɛgɛ ŋga na, ma jatere wi tɛgɛ ki na,
52 E, Yawe Yɛnŋɛlɛ, ma jatere wi tɛgɛ ki na fɔ ma juguye pe yɛn nala tifaga,
53 Sɔnmɔ mbe pye Yawe Yɛnŋɛlɛ li woo fɔ sanga pyew!