1 Yɛnŋɛlɛ li lere Moyisi wi Yɛnŋɛlɛ yɛnrɛwɛ.
2 Sanni ma sa yanwira ti da,
3 Mboro ma ma ti sɛnwee wi ma sɔngɔrɔ wa taambugɔ ki ni,
4 Katugu yɛlɛ wagakele (1 000) li yɛn ma yɛgɛ na paa yunmbaan pilige ŋga kì toro ki yɛn,
5 Ma ma sɛnwee piile pe yinwege ki pɛ mbege wɔ wa,
6 Pinliwɛ ni, yan ki ma fyɛnwɛ, ma pɛlɛgi,
7 Ma naŋgbanwa pì we jɔgɔ,
8 Ma yɛgɛ yɛn we kajɔgɔrɔ ti na,
9 We yinwege ki yɛn na were na kee ma naŋgbanwa pi kala na,
10 We yinwege piliye yi mbe ya yɛlɛ nafa taanri ma yiri kɛ yɔn ko tin,
11 Ambɔ wɔɔn naŋgbanwa pi kɔsaga jɛn?
12 We naga wege jɛn fɔ we yinwege piliye yi yɛn ma jiri,
13 Yawe Yɛnŋɛlɛ, ma yaa nawa ŋgban we ni fɔ sa gbɔn wagati wiwiin?
14 Pinliwɛ ni, ma kagbaraga ki pye we kan ma we yɛgɛ tin,
15 Mà fɛrɛ ti wa we na ma saa gbɔn piliye yɔn ŋga na, nayinmɛ kan we yeri mbe yala ki piliye yɔn ki ni;
16 Ki yaga mɔɔ kapyegele ke naga woro mbele ma tunmbyeele we na,
17 We Fɔ, we Yɛnŋɛlɛ, ki yaga ma yinmɛ pi tɔn we na!