1 Maga kaa yɛgɛ yinrigi lepeele pe na,
2 katugu lewɛlɛwɛ kapyere to pe maa jate mbaa piin,
3 Kajɛnmɛ po fanŋga na lere ma ya ma go kan,
4 Jɛnmɛ pi fanŋga na, pe ma yumbiile pe yinyin
5 Sɛnwee kajɛnŋɛ wi ma pye fanŋga ni,
6 Kagala pyelɔmɔ jatere jɛnŋɛ wi ma ti ma ma ya ma malaga gbɔn;
7 Kajɛnmɛ pi laga yɛn ma lali tijinliwɛ fu fɔ wi ni,
8 Lere ŋa wi maa ki sɔnri mbe kapege pye,
9 Tijinliwɛ fu fɔ, kapege ko wi maa jate mbaa piin,
10 Na maga kotogo la kaŋgbanga sanga ni,
11 Pe yɛn na kee mbele ni sa pe gbo, pe shɔ,
12 Nakoma, na ma ka yo fɔ: «Mi sila ki jɛn!»
13 Na pinambyɔ, sɛnrɛgɛ ki ka, katugu ki yɛn ma yɔn;
14 Ki pyelɔmɔ nuŋgba pi na, ki jɛn ma yo fɔ kajɛnmɛ pi yɛn ma yɔn fun wa ma kotogo na,
15 Maga ka pye lepee mbe sa lara mbe lesinŋɛ wi sige wa wi go yɔn ki na;
16 katugu lesinŋɛ wi mbe ya to sa gbɔn tosaga kɔlɔshyɛn, ɛɛn fɔ wi yaa si yiri ki ni fuun ki na,
17 Na ma jugu wi ka to, maga kaa yɔgɔri wi na;
18 Nakoma Yawe Yɛnŋɛlɛ li kaga yan ma, ki yaa li mbɛn;
19 Maga ka nawa ŋgban kapege pyefɔ wi kala na,
20 katugu lepee wi goto wi se yɔn,
21 Na pinambyɔ, ta fyɛ Yawe Yɛnŋɛlɛ li yɛgɛ konaa wunlunaŋa wi yɛgɛ,
22 katugu jɔgɔwɔ pi yaa fo mbe to pe na;
23 Sɛnrɛ ta yɛgɛ nda, ma yiri wa kajɛnmbɛlɛ pe yeri.
24 Lere ŋa wi ma lepee wi pye fɔ: «Ma yɛn ma sin!»
25 Ɛɛn fɔ lere ŋa wi ma kapege pyefɔ wi jɛrɛgi, ki fɔ wi wogo ki yaa yɔn,
26 Mbe yɔn sogomɔ kan lere yeri nawa jɛmbɛ ni,
27 Ma tunndo ti gbɛgɛlɛ mari yala wa funwa na,
28 Maga ka sɛrɛya pee yo mbe taga ma lewee yɛnlɛ wi na go fu,
29 Maga ka yo fɔ: «Ŋga wì pye na na, ko yɔngɔ mi yaa pye wi na fun;
30 Mìla toro tiyanŋa wa kɛrɛ tanla,
31 Mbe ka wele, a mì si wuuro yan tì fi kɛrɛ ti lagapyew ki ni,
32 Ŋga mìla yan, a mì si jatere pye ki na jɛŋgɛ,
33 Mbe wɔnlɔ jɛnri, mbe wɔnlɔ mbe tigi jɛnri,
34 na maga koro ko na, fyɔnwɔ pi yaa ka to ma na mbɔɔn fo paa yoo yɛn,