1 Na ma ka sa cɛn lisaga legbɔɔ wa ni,
2 Na kaa pye ma yɛn mafɛ fɔ,
3 Ma yɛgɛ ka ka yiri wi yaakara tanra ti na,
4 Maga kaa ma yɛɛ tege mbaa penjagbɔrɔ lagajaa,
5 Ma yɛngɛlɛ kaa tuun penjagbɔrɔ ti na, ti mɛɛ kɔ le teere saw;
6 Maga ka yɛnlɛ mbe sa lere ŋa wila ma wele tipege ni wi suro li;
7 katugu ŋga ki yɛn wa wi nawa konaa ŋga wi ma yo, ki woro nuŋgba;
8 Ko puŋgo na, siŋgbele na mà li, ma yaa li tuguru;
9 Maga ka sɛnrɛ yo lembige ki kan,
10 Sinndɛɛrɛ nda pè yerege maga lɛ wa fafafa, ma lara ti kɔngɔlɔ ke gbɔn, maga kari wɔ wa ti yɔngɔlɔ ke ni,
11 katugu pe go shɔfɔ, fanŋga yɛn wi ni;
12 Kara ŋa paa kaan ma yeri, ma yɛɛ kan wi yeri ma kotogo ki ni fuun ni,
13 Maga ka pyɔ wi yaga mbakorowo,
14 Na ma kaa gbɔn sanwiga ni mboo koro,
15 Na pinambyɔ, na kajɛnmɛ ka pye wa ma kotogo na,
16 Na ma kaa kaselege sɛnrɛ yuun,
17 Maga kaa yɛgɛ yinrigi kapere pyefɛnnɛ pe na,
18 Ki ka pye ma, pa ma goto wi yaa yɔn,
19 Na pinambyɔ mboro wo na, logo na yeri, ma pye kajɛnŋɛ,
20 Maga ka pye sinwɔɔlɔ pe ni,
21 katugu sinwɔɔlɔ poro naa sugbɔrɔ lifɛnnɛ pe ni, ki kɔsaga pe ma kaa pye fyɔnwɔ fɛnnɛ;
22 Ta nuru ma to wi yeri, wo ŋa wɔ̀ɔn se we;
23 Kaselege ki lagaja maga ta, maga ka ti ki shɔ ma yeri;
24 Yɔgɔrimɔ yɛn lesinŋɛ wi to wi woo,
25 Ki yaga ma to naa ma nɔ wi ni paa yɔgɔri,
26 Na pinambyɔ, ma jigi wi taga na na,
27 Katugu nanjaa wi yɛn paa wetijugo yɛn,
28 Wi ma lara na singi paa beŋganri pyefɔ yɛn;
29 Ambɔ wi ma yo fɔ: «How?» Ambɔ wi ma yo fɔ: «Ew?»
30 Mbele pe maa cɛɛn na mɔni wa duvɛn wɔgɔ ki na, poro wɛlɛ;
31 Maga kaa duvɛn wi yɛnwɛ tiyɔnwɔ po wele mbaa yɛgɛ yinrigi wi na,
32 ɛɛn fɔ ki kɔsaga, wi ma kaa ma nɔ paa wɔɔgɔ yɛn;
33 Kona ma yɛgɛ ki yaa la kanŋgi maa yaara ta yɛgɛ yaan,
34 Ma yaa pye paa lere wa yɛn, ŋa wi yɛn ma sinlɛ wa kɔgɔje wi nandogomɔ,
35 Ma yaa yo fɔ: «Pànla gbɔn, ɛɛn fɔ kii na ya;