1 Kona, a Zhɔbu wì si Bilidadi wi yɔn sogo ma yo fɔ:
2 Kaselege ko na, mìgi jɛn ma yo ŋga mà yo, pa ki yɛn ma;
3 Na maga yo ma yaa kendige wɔ Yɛnŋɛlɛ li ni,
4 Kajɛnmɛ pi yɛn Yɛnŋɛlɛ lo woo, yawa si yɛn li ni fɔ jɛŋgɛ;
5 Lo li ma yanwira ti kɔlɔgi wa ti yɔngɔlɔ ke ni, ti yɛrɛ naga jɛn,
6 Li ma tara ti tigile mari yirige wa ti nɔgɔ ki na,
7 Li ma para yɔnlɔ ki ni mbe yo kiga ka yiri, yɔnlɔ kila yiri;
8 Lo nuŋgba li ma naayeri fowaga ki sanga maga jaraga;
9 Lo lì wɔnŋgɔlɔ ke cɛnlɛ pyew ke da;
10 Li maa kagbɔgɔlɔ piin, ŋgele sɛnwee jatere se ya jɛn;
11 Wele, li ma toro na tanla, ɛɛn fɔ mi seli yan,
12 Li ka yaraga ŋga yigi fanŋga na, ambɔ wi mbe ya mbege shɔ?
13 Na Yɛnŋɛlɛ li ka nawa ŋgban, lere se ya mbeli naŋgbanwa pi sogo;
14 Mi wo na, mbe ya mbeli yɔn sogo mbe yo mɛlɛ?
15 Ali na mi ka pye sinŋɛ, mi se ya mbeli yɔn sogo;
16 Na mi kali yeri, ali na li kanla yɔn sogo,
17 Li yɛn nala tɔngɔlɔ li tifɛliŋgbɔgɔ ki ni,
18 Li woro nala yari mbe wɔn mbe tigi;
19 Na mi ka yo mi yaa ki pye fanŋga kala, lo fanŋga ko ki yɛn ma gbɔgɔ;
20 Ali na kaa pye mi yɛn ma sin, na yɔn ko ki yaa kiti wi jan na na;
21 Naga yɛn ma, na nawa pi yɛn ma filige na na kaselege le? Mi si jɛn yɛrɛ.
22 Ki ni fuun ki yɛn na yɛgɛ na nuŋgba, ki kala na mì yo fɔ:
23 Na kapege ka ka fo mbe to lere ŋa wi yɛn jɛrɛgisaga fu wa na mboo gbo,
24 Na tara ta ka ye lepee wa kɛɛ wi cɛn ti go na, Yɛnŋɛlɛ lo li ma ti kiti kɔnfɛnnɛ pe ma pe yɛngɛlɛ ke tɔn kaselege ki na.
25 Na yinwege piliye yi yɛn na tooro na fyɛɛlɛ ma wɛ fevɔ ŋa wì wege wi na,
26 Na yinwege piliye yi yɛn na tooro fyaw fyaw paa gbɛgɛwɛ tɔnmɔkɔrɔ yɛn, ŋga kì tifaga,
27 Ali na mi ka yo fɔ mi yaa fɛgɛ na kayaŋga ki na,
28 na jɔlɔgɔ ki maa fyɛrɛ waa na na;
29 Muwi mi yaa pye jɔgɔfɔ we;
30 Ali na mi ka woli nɛzhi ŋa wì yan wi tɔnmɔ pa ni,
31 konaa ki ni fuun, ma yaa kanla piligi naa wa fɛnrɛgɛ ki ni,
32 Yɛnŋɛlɛ li woro sɛnwee paa mi yɛn,
33 Kasuluwo woro mi naa lo ni we sɔgɔwɔ,
34 Yɛnŋɛlɛ ligi yaga lilan gbɔnrɔ ti yaga ma li kanŋgala li ni,
35 Kona mi jɛn na ya mbaa para li ni, mi se jɛn naa fyɛ li yɛgɛ;