1 Kona, Bilidadi ŋa wìla yiri wa Shuwa tara wì si sɛnrɛ ti lɛ mɛɛ Zhɔbu wi pye fɔ:
2 Ma yaa koro mbaa ki sɛnrɛ cɛnlɛ nda ti yuun fɔ sa gbɔn wagati wiwiin?
3 Naga yɛn ma, Yɛnŋɛlɛ li yaa ŋga kì sin ki kanŋga wi le?
4 Kana ki mbe ya pye fɔ ma pinambiile pè kapege pye ma ye Yɛnŋɛlɛ li ni,
5 Ɛɛn fɔ mboro wo na, na ma kaa Yɛnŋɛlɛ li lagajaa,
6 na ma ka pye jɛrɛgisaga fu konaa mbe pye sinŋɛ,
7 Pa kona ma cɛnlɔmɔ koŋgbanmba, ma se po jate naa yaraga ka,
8 Faafɛnnɛ pe yewe ma wele,
9 Katugu pè woro se yunmbaan, wee yaraga ka jɛn,
10 Faafɛnnɛ poro pe yaa ma naga, poro pe yaa ka yo ma kan;
11 «Gbagara wi mbe ya mbe yiri, na wi woro lɔgɔ yɔn na le?
12 Na tɔnmɔ woro ki nɔgɔ, ki tipirige ki ma waga fyaw ma yan sanŋga ki yaga,
13 Mbele pe ma fɛgɛ Yɛnŋɛlɛ li na, pa pe kala li ma pye ma;
14 Wi kɛɛndagaserege ki ma jɔgɔ ma wɔ wa,
15 Wì yo wi yaa jiige wi go ki na, ɛɛn fɔ, a go kì si to;
16 Wi yɛn paa tige yɛn, ŋga kìgi yɛɛ ta wa yɔnlɔ ki na;
17 Ki ma ki ninde ti migili ti yɛɛ ni ma ye fɔ wa sinndɛɛrɛ ti sɔgɔwɔ;
18 Ɛɛn fɔ pilige ŋga ni paga ki kɔw mbege wɔ wa laga ŋga kìla pye,
19 Wele, nayinmɛ mba ki lerefɔ wi ma ta laga dunruya wi ni, pi kɔ pow yɛɛn!
20 Lere ŋa wi nawa pi yɛn ma filige wi na, Yɛnŋɛlɛ laa je wo na fyew,
21 Li yaa ka ti ma tɛgɛ naa wa ma yɔn,
22 Mbele fuun pɔ̀ɔn panra, pe yaa ka fɛrɛ shɔ;