1 Sɛnwee wi yinwege laga tara ti na, ki yɛn ma ŋgban paa sorodashe tunŋgo yɛn;
2 Wi yɛn paa kulo yɛn wa yɔnlɔ ki na, ŋa wi yɛn na yinmɛ jɛnri lagajaa,
3 Ki pyelɔmɔ nuŋgba pi na, na tasaga ki pye jɔlɔgɔ maga lɛ yeyɛn lɛgɛrɛ ni,
4 Na mi ka sinlɛ yembinɛ, mi mala yɛɛ yewe fɔ: «Mi yaa yiri wagati wiwiin?»
5 Fyɛnrɛ ye na wire ti lagapyew ki ni, mari kurukuru paa fɛnrɛgɛ waga yɛn,
6 Na yinwege ki yɛn na koo fyɛlɛgɛ na paa yɛgɛ ŋga na gbɛrɛ tifɔ wi lola wi maa tooro we,
7 E, Yɛnŋɛlɛ, ma jatere wi tɛgɛ ki na fɔ na yinwege ki yɛn paa tifɛlɛgɛ yɛn;
8 Mboro ŋa maa na wele, ma yɛngɛlɛ ke se kanla yan naa;
9 Yɛgɛ ŋga na kambaaga ki ma toro ma kɔ saw,
10 Wi se ka sɔngɔrɔ mbe pan wa wi go naa,
11 Ki kala na, mi se ya mbanla yɔn ki tɔn;
12 Naga yɛn ma, muwi mi yɛn kɔgɔje we lee nakoma kɔgɔje wi yarifɛlɛgɛ ye,
13 Na mi ka sinlɛ mi maa ki sɔnri wɔnlɔwɔ po yaa na kotogo ki sogo na na,
14 Kona, ma ma fyɛrɛ wa na na wɔɔnrɔ tijangara ni,
15 Ki kala na, ndɛɛ mala sere wa na yɔlɔgɔ ma wɔnwɔn pi kɔn na na, mala gbo ko mbe ja mbɔnrɔ na na,
16 Yinwege ki la kì kɔ na na ma, mi se koro yinwege na fɔ sanga pyew!
17 Sɛnwee wi yɛn yiŋgi, a wi kala li si gbɔgɔ ma yeri ma,
18 Fɔ pinliwɛ pyew ma ma pan mboo kɔn mbe wele,
19 Ma yaa ma yɛgɛ ki laga na na wagati wiwiin?
20 Na kaa pye mi kapege pye, yiŋgi mi pye ma na, sɛnwee piile welefɔ?
21 Yiŋgi na ma se si ya mbanla kapere ti kun ma yɛɛ ni,