1 Kona, a Zhɔbu wì si Elifazi wi yɔn sogo ma yo fɔ:
2 E, ndɛɛ ki pye pe mbe ja ya mbanla jɔlɔgɔ ki taanla culo na mbege jɛn!
3 Kaselege ko na, na jɔlɔgɔ ki jɛn na nugu mbe wɛ kɔgɔje yɔn taambugɔ ki na,
4 Katugu Yɛnŋɛlɛ na yawa pi ni fuun fɔ lìlan wɔn li jɔlɔgɔ wangala ke ni,
5 Naga yɛn ma, yan sofile wi mbe ya mbaa gbele yan wogo na mboo ta wi yɛn ma yere le yan tipirige ki tanla le?
6 Naga yɛn ma, tanwa woro yaakara nda ni, lere mbe ya mberi ka kɔ fu le?
7 Ki yaakara nda mi sila pye na jaa mbe jiri ti na,
8 E, ŋga mi yɛn na yɛnri Yɛnŋɛlɛ li yeri, ndɛɛ ki pye ki mbe ja ya pye na kan!
9 Mila jaa Yɛnŋɛlɛ li yɛnlɛ ki na lilan tɔngɔlɔ,
10 Pa kona, na kotogo ki jɛn na sogo na na,
11 Ɛɛn fɔ fanŋga si koro na ni naa mbaa ki kɔsaga tanga singi,
12 Naga yɛn ma, na fanŋga ki yɛn paa sinndɛlɛgɛ fanŋga yɛn wi le?
13 Sagafɔ kpɛ woro na na naa,
14 Lere ŋa wi yɛn na jɔlɔ, wi daga wi wɛnnɛ pe kagbaraga ki ni,
15 Na wɛnnɛ pànla java paa lafogo ma kaa lere java we,
16 Were sanga wi kɔsaga, tɔnmɔ mba pì simbi po naa nɛzhi wi ni ti kaa yanni,
17 Ɛɛn fɔ kanga na, ki ma waga,
18 Yɔngɔmɛ fɛnnɛ mbele pe maa tooro wa gbinri wi ni, pe ma koro na tɔnmɔ lagajaa fɔ ma pe konɔ li wa,
19 Tema ca tangafɛnnɛ mbele pe maa tooro yɔngɔmɛye na wa gbinri wi ni, pe ma pe yɛrɛ ti yirige na ki tɔnmɔ pi lagajaa,
20 Ɛɛn fɔ pe jigi ŋa pàa taga pi na, a wì kanŋga ma pye fɛrɛ pe yeri,
21 Koni, yoro fun pa ye wogo ki yɛn ma na yeri.
22 Naga yɛn ma, mi ye yɛnri ma yo ye yaraga ka kan na yeri le?
23 Mi ye pye ma yo yanla shɔ na jugu wi kɛɛ le?
24 Yege naga na na, pa kona mi yaa pyeri,
25 Kaselege sɛnrɛ ti maa yaa,
26 Naga yɛn ma, yaa jaa mbanla jɛrɛgi na sɛnyoro ti kala na wi le?
27 Ye mbe yɛnlɛ mbe pɛtɛ gbɔn pijiriwe go na mbe ta mboo tafɔ wi jɛn le?
28 Koni ye ye yɛngɛlɛ ke kan na na yaa na wele,
29 Ye ye jatere wi kanŋga, yaga ka kambasinŋge pye;
30 Naga yɛn ma, ye sɛnrɛ mbasinnde logo na yɔn le?