1 Yinwege kì la ki kɔ na na!
2 Mi yaa ki yo Yɛnŋɛlɛ li kan fɔ maga ka kiti kɔn na na mbanla le jɔlɔgɔ,
3 Naga yɛn ma, mbaa na jɔlɔ ko ki yɛn mɔɔ ndanla wi le?
4 Naga yɛn ma, sɛnwee yɛngɛlɛ ke yɛn ma na wi le?
5 Naga yɛn ma, ma yinwege piliye yi were paa sɛnwee woyo yi yɛn wi le?
6 Yiŋgi na, a ma nɛɛ na puŋgosaga ki jaa mbege jɛn?
7 Ma si yala maga jɛn makɔ ma yo fɔ mi woro jɔgɔfɔ,
8 Yɛnŋɛlɛ, mboro màla da, ma kɛyɛn yo yìlan wire lombondo ti fanri;
9 Ki yaga mɔɔ jatere wi tɛgɛ ki na fɔ màla fanri paa pe ma kaa yaraga ka fanri joro ni we;
10 Màa na fyɛnli paa nɔnɔ yɛn mala gbegele,
11 Kona, a mà si sɛlɛgɛ naa wire kara le na ni,
12 Mà yinwege kan na yeri, ma kagbaraga pye na kan,
13 Ma si yala, ma yɛn na larawa kala la lara wa ma kotogo na,
14 Màa pye na jaa mbaa na kɔrɔsi mbe ta mbanla yigi kapege pyege ka go na;
15 Na kaa pye mi yɛn jɔgɔfɔ, jɔlɔgɔ yɛn na wogo!
16 Na mi ka yo mi yaa na go ki yirige, ma maa na puro paa jara yɛn;
17 Ma yɛn na yinrigi na kɔrɔgɔ naga tagala ki yɛɛ na,
18 Yiŋgi na màa si ti, a mì yiri wa na nɔ wi lara?
19 Mi jɛn na pye paa lere ŋa wi sila yiri laga dunruya wi ni;
20 Na yinwege piliye yì koro jɛnri.
21 sanni mbe sa kari wa laga ŋga mi se sɔngɔrɔ mbe pan naa,
22 Diwi gbɔlɔ tara ri, ki laga kì wɔ conjonjo paa yembinɛ wɔlɔ yɛn;