1 Kona, a Yawe Yɛnŋɛlɛ lì si yɔn sogomɔ kan Zhɔbu wi yeri, mali ta wa tisaga tifɛlɛgɛ ki nandogomɔ, ma yo fɔ:
2 Ambɔ wi mboro, mboro ŋa maa na kagala ŋgele mì kɔn mbe pye ke tɔnni
3 Ma kurusijara wi pɔ wa ma sɛnnɛ paa lenaŋa kotogofɔ yɛn;
4 Sanga ŋa ni mìla pye na tara ti nɔgɔ nii, maa pye se yeri?
5 Ambɔ wila tara ti gbemɛ naa ti titɔnlɔwɔ pi kɔn maa tɛgɛ, maa jɛn le?
6 Tara ti nɔgɔ ki yɛn ma teŋge yiŋgi na?
7 sanga ŋa lalaaga wɔnŋgɔlɔ kaa pinlɛ na yɔgɔrimɔ yuuro koo,
8 Sanga ŋa ni kɔgɔje wìla janri ma yiri ndɛɛ pòo se,
9 Sanga ŋa ni mìla kambaara ti pye wi yaripɔrɔ maa tɔn,
10 Sanga ŋa ni mìla ŋgasegele tɛgɛ wi na,
11 A mì suu pye ma yo fɔ:
12 Maga lɛ ma yɛn yinwege na, maa ki yo lalaaga ki kan ma yo ki laga le?
13 jaŋgo ki yanwa pi tara ti lagapyew ki laga,
14 Ko wagati wo ni, tara ti yɛgɛ cɛnwɛ pi ma kanŋga paa joro yɛn, nda pè mɛgɛ tɛgɛrɛ tɛgɛyaraga taga ti na,
15 Ɛɛn fɔ lepeele pe yanwa pi ma shɔ pe yeri;
16 Naga yɛn ma, ma ye ma gbɔn wa kɔgɔje wi tɔnmɔ pi yirisaga ki na le?
17 Pe kunwɔ pi yeyɔngɔ kɔɔrɔ ti yɛngɛlɛ mari naga ma na le?
18 Naga yɛn ma, ma tara ti gbemɛ pi yan maa jɛn ma kɔ le?
19 Yanwa pi ca konɔ li yɛn se yeri?
20 Ma mbe ya yanri mberi wele fɔ wa ti cɛnsaga,
21 Màga jɛn jate, katugu kìla yala pɔ̀ɔn se makɔ,
22 Maa gbɔn wa nɛzhi wi tɛgɛsaga ki na wi le?
23 Mì ki yaara ti tɛgɛ wa pilipeye yo kala na,
24 Yanwa pi ma toro konɔ liliin ni mbe si gbɔn lagapyew ki ni?
25 Ambɔ wi ma konɔ yɛngɛ tisaga ki kan?
26 Tara nda lere woro ma cɛn wa ti ni, ambɔ wi ma ti tisaga ki ma to wa ti ni,
27 jaŋgo mbe tara nda tì waga ma jɔgɔ ti kan tɔnmɔ ni,
28 Naga yɛn ma, to yɛn tisaga ki yeri le?
29 Tɔnmɔ mba pi ma simbi pi ma yiri se yeri?
30 Ko sanga wo ni, tɔnmɔ pi ma simbi ma sheli paa sinndɛlɛgɛ yɛn,
31 Wɔnŋgɔlɔ ke wele, mboro mbe ya mbe Ŋgonɔ gbɔgɔ pire ti pɔ ti yɛɛ na,
32 Ma mbe ya ti yɔnlɔparawa kalige kɛɛ wɔnŋgɔlɔ kaa yinrigi ke yirisanga wi ni le?
33 Naga yɛn ma, ma naayeri kondɛgɛŋgɛlɛ ke jɛn wi le,
34 Naga yɛn ma, mboro mbe ya para ŋgbanga kambaara ti ni,
35 Mboro ma ma ti yɛnŋɛlɛ yɛngɛlɛmɛ pi maa yinrigi na kee wa pi karisaga wi le?
36 Ambɔ wila kajɛnmɛ pi le wa sɛnwee wi kotogo na,
37 Ambɔ wi mbe ya wi kajɛnmɛ pi ni mbe kambaara ti jiri?
38 mbe taambugɔ ki yinŋgi mbege pye fɛnrɛgɛ,
39 Mboro ma ma kara lagaja mberi kan jara nɔ wi yeri wi le?
40 sanga ŋa ni ti ma pye ma sinlɛ wa ti were ti ni,
41 Na kaankaan pire ti kaa gbele mbaa Yɛnŋɛlɛ li yinri liri saga sanga ŋa ni,