1 A Elihu wì sho naa fɔ:
2 Ye pyeri ye logo, ye Yɛnŋɛlɛ li gbanlaga magala li logo,
3 Li yɛn na yɛnŋɛlɛ yɛngɛlɛmɛ piin naayeri wi lagapyew,
4 Ko puŋgo na, pe ma Yɛnŋɛlɛ li magala gbɔlɔ li logo,
5 Yɛnŋɛlɛ li ma tin ŋgbanga fɔ ki ma pye kafɔnnɔ,
6 Li maga yo sinndɛɛrɛ tisaga ki kan ma yo fɔ ki to laga tara ti na,
7 Ki pyewe pi na ma, li ma sɛnwee pyɔ pyew wi tunŋgo ki yerege,
8 Yan yaara ti ma ye wa ti were ti ni,
9 Tisaga tifɛlɛgɛ ki maa paan na yinrigi wa yɔnlɔparawa kalige kɛɛ yeri,
10 Yɛnŋɛlɛ li yɔn tifɛlɛgɛ ki ma tɔnmɔ pi simbi,
11 Li ma kambaara ti yin tɔnmɔ pi ni;
12 Li ma ti ti maa kee na mari na yala li nandanwa kala li ni,
13 Na li ka yo li yaa tara ti gbɔn li gbɛgɛ ki ni,
14 Zhɔbu, nuŋgbogolo jan ki kagala ke yeri ma ke logo!
15 Yɛnŋɛlɛ li maa ki yaara ti yɛgɛ sinni yɛgɛ ŋga na,
16 Kambaara ti ma yere yɛgɛ ŋga na wa naayeri fowaga ki ni, maga jɛn le?
17 Na yɔnlɔparawa kalige kɛɛ tifɛlɛgɛ ki kaa gbɔɔn mbe tara ti wɛri,
18 naga yɛn ma, mboro mbaa ya mbe Yɛnŋɛlɛ li saga mbe naayeri wi gbegele mboo jaraga le,
19 Ŋga we daga mbe yo Yɛnŋɛlɛ li kan ki naga we na,
20 Naga yɛn ma, sanni mbe sa para, ki daga pege yo li kan wi le?
21 Yɔngɔlɔ ke ni, kambaara ti ma kaa yɔnlɔ yanwa pi tɔn lere naa yan,
22 Yanwa pa na yinrigi wa yɔnlɔparawa kamɛŋgɛ kɛɛ yeri, na yɛngɛlɛ paa tɛ yɛn;
23 Yɛnŋɛlɛ li yɛn yawa pi ni fuun fɔ, we se ya gbɔn li na,
24 Ki kala na sɛnwee piile pe daga mbaa fyɛ li yɛgɛ;