1 Kona, a Elihu wì si para Zhɔbu wi ni naa, ma yo fɔ:
2 Na sige naa jɛnri, mi yaa ma yɛgɛ naga,
3 Mi yaa na jɛnmɛ pi lagaja mbe yiri fɔ lege,
4 Kaselege ko na, na sɛnrɛ ti woro yagbogowo sɛnrɛ;
5 Wele, Yɛnŋɛlɛ li yɛn yafɔ, laa lere tifaga;
6 Laa yere ki na lepee wi yinwege ta;
7 Laa li yɛgɛ ki laga lesinmbele pe na mbe puŋgo le pe ni,
8 Na paga yɔngɔwɔ le pe na,
9 kona Yɛnŋɛlɛ li ma pe kapyere ti yirige funwa na mari naga pe na,
10 Li ma ti pe ma nuŋgbolo jan nali yɛrɛwɛ sɛnrɛ ti nuru,
11 Na paga logo li yeri mbe yere li wogo ki na,
12 Ɛɛn fɔ na pee logo li yeri, li yaa ti pe pe gbo sɔgbɔ ni,
13 Mbele pe woro na fyɛ Yɛnŋɛlɛ li yɛgɛ, pe ma nawa ŋgban li ni,
14 Ki kala na, pe ma ku wa pe lefɔnrɔ sanga wi ni,
15 Ɛɛn fɔ Yɛnŋɛlɛ li ma ŋa wi yɛn tege ni wi tege ki tɛgɛ mboo shɔ,
16 Mboro fun, li yaa ma tile mbɔɔn wɔ wa jɔlɔgɔ ki ni,
17 Ɛɛn fɔ koni, jɔlɔgɔ ŋga ki daga mbe to lepeele pe na, ko kì to ma na;
18 Ɛɛn fɔ maga ka ti naŋgbanwa pɔɔn kan ma yiri ma je;
19 Naga yɛn ma, gbelege ŋga maa gbele na sagafɔ jaa ki mbe ya mbɔɔn shɔ jɔlɔgɔ ki ni wi le?
20 Ma kaa ki yegeri yembinɛ li wɔ,
21 Ma yɛɛ yingiwɛ jɛn, maga kɔɔn yɛɛ kan kapege pyege ki yeri;
22 Wele, Yɛnŋɛlɛ li yɛn fanŋga fɔ li yawa pi fanŋga na;
23 Ambɔ wi mbe ya mbe konɔ na li daga mbe tanga li naga li na?
24 Ma jatere wi tɛgɛ ki na, maa Yɛnŋɛlɛ li gbogo li kapyege ki kala na,
25 Sɛnwee pyɔ pyew wi yɛn naga yaan,
26 Yɛnŋɛlɛ li yɛn ma gbɔgɔ, li gbemɛ pì toro we jatere wi kɔsaga ki na;
27 Li ma tɔnmɔ pi tile jɛɛnnjɛnri ma kari pi ni wa naayeri,
28 Kona kambaara ti mɛɛ tisaga ki yaga ki ma tigi,
29 Ambɔ wi mbe ya mbe kambaara ti torolɔmɔ pi jɛn
30 Wele, Yɛnŋɛlɛ li ma yɛnŋɛlɛ yɛngɛlɛmɛ pye li kɛɛ ki ni fuun ki na wa naayeri,
31 Li ma ki kagala ke tɛgɛ ma kiti kɔn cɛngɛlɛ ke na,
32 Li ma yɛnŋɛlɛ yɛngɛlɛmɛ pi yigi wa li kɛyɛn yi ni,
33 Li ma li yɛɛ naga wa yɛnŋɛlɛ gbaanra ti ni,