1 Ayoo, Yawe Yɛnŋɛlɛ li kɛɛ kii were mbege kan liga ka ya mbe ye shɔ;
2 Ɛɛn fɔ ye kambasinnde to tì fogo le yoro naa ye Yɛnŋɛlɛ li sɔgɔwɔ pi ni;
3 Leele mbele yè gbo pe kasanwa pì ye kɛyɛn yi tɛgɛ fyɔngɔ ni,
4 Lere kpɛ woro na kiti wi kɔɔn kasinŋge ni,
5 Pe ma sinlɛ firisho jɛnrɛwɛ pi na maa jiri,
6 Mɛrɛ nda pe ma wa paa sipee mɛrɛ yɛn, pe se ya mberi ti paraga,
7 Pe maa fee kapege pyege ki puŋgo na,
8 Pee yɛyinŋge konɔ li jɛn,
9 Ko kì ti kasinŋge ki laga yɛn ma lali we ni,
10 We yɛn na talitali paa fyɔɔn ma kaa na talitali na mbogo ka sɔlɔgi na kee;
11 We ni fuun we yɛn na kuunru paa cɛnrɛ urusiye pe yɛn;
12 Katugu we lasiri jɔgɔwɔ pì lɛgɛ ma yɛgɛ sɔgɔwɔ we Fɔ,
13 Wè pye mbalogombolo ma Yawe Yɛnŋɛlɛ li fanla,
14 Kì pye ma, ŋga ki yɛn ma yala kì puŋgo le we ni,
15 Kaselege kì kɔ ma wɔ wa;
16 Lìgi wele maga yan, fɔ ali lere kpɛ wo woro wa,
17 Lì kasinŋge ki le li yɛɛ na paa malaga gbɔnderege yɛn,
18 Li yaa ka lere nuŋgba nuŋgba pyew wi sara mbe yala wi kapyegele ke ni,
19 Ki ka pye ma, mbege lɛ wa yɔnlɔ tosaga kɛɛ yeri, pe yaa la fyɛ Yawe Yɛnŋɛlɛ li mɛgɛ ki yɛgɛ,
20 Go shɔfɔ wa yaa pan wa Siyɔn ca;
21 Yawe Yɛnŋɛlɛ lì yo fɔ: «Mi wo na, yɔn finliwɛ mba mi yaa le pe ni, powi mba: ‹Na yinnɛ li yaa pye pe ni, na sɛnrɛ nda mì le pe yɔn, ti se ka shɔ pe yeri, ti se ka shɔ pe piile pe yeri, ti se ka shɔ pe piile poro piile pe yeri, mbege lɛ yiŋgɔ fɔ sanga pyew.› Yawe Yɛnŋɛlɛ lo lì yo ma.»