1 Phahi Ayubu achienderera kugomba achiamba,
2 “Naaza kala ni dza nirivyokala pho kare,
3 Wakati taaye kala inaaka dzulu ya chitswa changu,
4 Naaza kala ni dza nriphokala na nguvu,
5 Wakati ye Mwenye Nguvu Zosi ariphokala achere nami,
6 Wakati ngʼombe zangu kala zina maziya manji,
7 Wakati niriphotuluka kondze kuphiya ryango ra mudzi,
8 Barobaro ariphoniona, aniphisa,
9 Vilongozi nao taagombere,
10 Hata akulu anyamala,
11 Yeyesi ariyenisikira waniiha ariyejaliwa
12 mana nakanira achiya arioririra kuterywa,
13 Náterya atu ariokala phephi na kufwa, nao achinijaliya.
14 Náhenda haki wakati wosi nayo ichikala dza nguwo,
15 Nákala msada kpwa vipofu,
16 Nákala baba wa achiya,
17 Nchivundza ndzeya za atu ayi,
18 Chisha nchiaza nchiamba, ‘Siku zangu zindakala nyinji dza mtsanga,
19 Mana ndakala dza muhi ambao miziye ikafika madzini,
20 Ndatogolwa luphya chila wakati,
21 Atu aphundza ushauri wangu
22 Maneno gangu gainjira mwao masikironi dza matone ga mvula,
23 Anigodzera dza agodzeravyo mvula,
24 Naonyesa uso wa raha wakati kala taana kuluphiro,
25 Naatsamburira njira na nchikala dza mkpwulu wao,