1 Ela vivi ananibera,
2 Mino kala ndaphahani mwao mikononi,
3 Kpwa kutsowa na kukala na ndzala siru
4 Aendza mimea jangbwani na makodza ga tsakani achirya
5 Azoreswa akale kure na atu,
6 Anashurutishwa kusagala madeteni,
7 Mo vitsakani nkurira dza punda,
8 Atu azuzu, asiomanyikana,
9 Vivi ana aho ananitunga wira wa kunibera,
10 Ananibera na kudzitenga kure nami,
11 Mana Mlungu akarejeza liphohe ra uha wangu na kunigayisa,
12 Likumundi ra atu rikaunuka kunipiga na kunilinga mgoi,
13 Anabomola njira yangu,
14 Ananedzera kutsupira mwanya mkpwulu,
15 Vivi naogopha sana,
16 Vivi sina matumaini ga kuishi,
17 Usiku mifupha yangu inatsanga,
18 Mlungu akagbwira vwazi rangu ngingingi,
19 Iye akanitsupha matopeni,
20 Ee! Mlungu, nakuririra, ela kunilavukiza,
21 Ukagaluka kukala msiru kpwangu,
22 Unanitsupha dzulu ili niphepheruswe ni phepho,
23 Ee namanya undaniphirika hata chifoni,
24 Kpwa kpweli taphana mutu asiyegolosera mkpwono mutu alondaye msada,
25 Dze, mino siyaaririra hara ariokala na shida?
26 Ela niriphotarajiya manono, mai ndigo goniphaha,
27 Moyo wangu unagaya, nao tauhurira bii,
28 Nadengereka kuno nkavundzika moyo,
29 Mabawa ndigo chigokala enehu,
30 Ngozi yangu inakala nyiru na inayuka,
31 Ngephephe yangu ikakala ya kusononekera,