1 Ibibayobi, Bab-Dummad Israel-dulemargi nued-binsae,
2 An iche-napinad isguednaganad,
3 Dule-san-dummarba-imakmaladgi an nobguded,
4 We-dulemar gwen boni nikasurmalad,
5 Dulemar-ibmarbina-sogeyob ibmarbina-sogdisurmalad,
6 We-dulemar, e-san-dummarba-imaked, wingwa-dukargi-naiyob ise-daklegaled.
7 Ibmar-isgana-ulubgi-sediid ise-oyogar damalad,
8 Dulemar-baigangi sunnasur sunmakdamalad.
9 E-sunmakedgi Bab-Dummadgi isdar sunmakdamalad,
10 A-ulale, dulemar ese idaknaddamalad,
11 We-dule-isganamar sogdedamalad: ¿Ar wede, Bab-Dummad wisguosi?
12 We-dule-isganamar dogdar-alamaknai dasurmalad,
13 Binsarsunna, an gwage-swilidik gudiid,
14 Ar emide, sabsur-an-imakdigumalad,
15 An weyob sogsana: “We-dule-isganamaryob an sunmakoye.”
16 An we-ibmarmala magar-itobi gusanad,
17 Bab-Dummadse-goled-negse an dogsagua,
18 Bab-Dummad, be we-dulemar bonimar-abargi ogwichisad,
19 ¡Wemar ukiagwar bergudmaloed!
20 Bab-Jehová, bedi, igi dule e-gabdaksad napiragwadsulidba baisursunna daknonidae,
21 Bab-Dummad, suli-suli an itodigua,
22 Ar an ibmar-wissulidbali, gannar-gannar an imaksad,
23 Degi-inigwele, an begi bangussulid,
24 Be anga binsaed-ukedba an nanadiid.
25 ¿Ar doa nibneggi an-edarbemaisunna? Unnila bebi an-edarbemaid.
26 An-gangued bar nika an itosulid,
27 Dulemar-begi-banguddamaladdi bese berguoed.
28 Ar andina, Bab-Dummad-walikaa-gudigued bur nued an itoged.