1 Bab-Dummad, be-naboged-igar reyga be uke.
2 Adi, rey, innikigwadba be-dulamarga igar nabogoed,
3 Yalamar, dulemarga neg-bogidikid nasiknonikoed,
4 Rey, dule-bukib-binsadimaladga igar nabogoed.
5 ¡Rey-nug odummolesun!
6 Igi-nainugi ibmar-digar-naidgi dii wiardae, deyob guoed.
7 Rey-ibagangi igar-innikigwad dutu-achunnedyob guoed,
8 Rey demar-naid-ugakaase yar-semai guoed,
9 Dulemar-nega-dulesulidganba-mamaid yokorgi-sindigale, rey-asabin dulluu imakmaloed,
10 Tarsis-e-reymar, dulemar-demar-gakagi-bukmaladi, neggweburgi-mani-galeged reyga ukmaloed.
11 Bela reymar yokorgi-sindigale, e-asabin dulluu imakmaloed.
12 Rey, dule-ibmar-nue-abediidba wilesagwa-gordiidi bendakoed.
13 Rey, dule-wileged nue-wile dakbaloed,
14 Mesagwar-imaklediidgi dule-onogoed,
15 ¡Rey-nug odummolesun!
16 Bela-napamargi, ibmar-gwag-gullemalad bukidar nikusun.
17 Degisadegu rey-nug biledii gusun,
18 Israel-e-Bab-Dummad-Jehová-nug odummolesun,
19 ¡Degisadegu, e-nug-gandikid odummoledii gusun!
20 Isaí-machi-David, Bab-Dummadse-goled-narmaksadi, wese bergunaid.