1 Bab-Dummad, ¿ibiga be degisadegu anmar-obacha?
2 Be-dulamar negasailaun be susadi, mer be iego.
3 We-neg bela-bibichis-bukwadse be dage,
4 Bab-Dummad, be-isdarmalad be-onmakedneggi oimakbukwad,
5 Dule sapurba-sapi-sikmaladyob, ibmar-olananai gusmalad.
6 Bela ibmar-urgogi-sobarmalad, e-akangi bibichismalad.
7 Be-neg-siid soogi ogumaksamalad,
8 Dule-isdarmalad na e-gwagegi sogsamalad:
9 Anmar, anmar-bander gwen memermaknai bar-daksulid,
10 Bab-Dummad, ¿sanadse dule-isdarmalad begi dododii guoe?
11 ¿Ibiga be sabsur-odurdaksuli?
12 Bab-Dummad, bedina bato-sailanagi an-reyga be maid.
13 Be-garganguedgi be demar egasbalid,
14 Be ibdula-dummad-diakined Leviatánʼye-nugad-e-nono ubigwar be imaksad.
15 Dii-sailagan-ariogega be imaksad,
16 Be neg-meegwad nasiksad, mutikid be nasiksabalid.
17 Napneg-naid-e-abingunanaid be mesisad,
18 Bab-Jehová, nue be ebinsao: Be-isdarad begi ulusad.
19 Be-dula-belagwa-gudimalad mer be ibdurganga urmake.
20 Bab-Dummad, be-dulaga-be-igar-mesisad be ebinsao, mer be iego.
21 Dule-boniganba-galitodiid, melle be obingegsao.
22 ¡Bab-Dummad, be-gargangued be oyoge!
23 Be-isdarmalad-begi-oimaknanaid, mer be baisurdake.