1 Machi, dule-mani-gasad-anar, be bennukoye sogsale,
2 na be imakoye sogsadgi,
3 Degisoggu, machi, emidi be-aise be yardaklesad.
4 Melle be ogabe,
5 Igi goe-sapur, dule-e-makbied-idu wakinne,
6 Dule-wiegala, nue be igli dake,
7 Igli, ega-igar-uked sated,
8 Degi-inigwele, dii-wisulidgine na e-mas onmaked,
9 Dule-wiegala, be meremaidi, ¿sanadse gwisguoye be soge?
10 Be gabsiile, nono-yakumaksiile, sikwas napi-gabele,
11 ukiarmakale, dule-atursaeyobi, begi wileged nonikoed.
12 Dule-isgana, dule-galagwensuli-nanaed,
13 dule-yardakega, ibya-biri-emar-daked,
14 We-dulemar unnila ibmar-isgana-imakedginbi binsadidaed,
15 A-ulale, ukiagwar egi bonigan yolenonikoed,
16 Bab-Jehová ibmar soganergwa (6) sae-daked,
17 Dule-na-san-dummarba-imaked,
18 dule-galagwensuli-dule-baidgi-binsaed,
19 dule-ibmar-daksad-gakansaar-ibmar-soged,
20 Machi, be-bab-be-odurdakedba be ibsae.
21 Be-gwagegi-sedigu, be imake,
22 We-binsaed-nuegan, be bia nadele, be-idumai guoed.
23 Igarmar-Mamaidi, gwalluyobi gued,
24 We-binsaed-nuegan, melle be ome-isganabo galagwensuli nanadiguega be-imakoed.
25 Melle ome-isgana-e-yeerdaklegedbina be sogo.
26 Ar ome-gambanuchu-imaked unnila masbina gudiid.
27 Ar dule na e-nukugi soo-sisale,
28 Ar dule soo-birgi nanaele, ¿ei nag gummaksasulir be insae? Ei gummaksale.
29 Dule, dule-baid-ome-ebo negsichigi nanaedi, soogi-gummakeyob boni-amiedsemogad.
30 Dule-atursaed ukudmaada-itogedba ibmar-atursasale,
31 Dule-atursaed daklesardi, ilagugle (7) ibmar-atursasad bennukoed.
32 Dule ome-baidbo negsichidgi nanaele, we-dule, binsaed-satedid.
33 Unnila binged-amiedid, na dukin naibid-amiedid.
34 Ar we-ome-e-sui nobedba uludele, na san gwen bargaosulid,
35 Dule amba ome-e-suiga ibmar-ukye sogele,