1 Machi, an-binsaed-nikagued an bega-ukedi, nue be itoge,
2 Adi, be sunmakalile, nue-itoakwaa sunmakegar,
3 Ome-sui-dikarba-yoleged-e-agumakedi, ibmar-nuediyob sunmaked.
4 Dule ese-binsaed-galesale, ina-gagbisailadyobi ega gued,
5 Dule a-ome-ebogwa negsichidgi nanaele, burgwedse nilemaid.
6 A-ome dule-egi-sunmakmalad bai-itosulid.
7 Machi, emigi nue be an-itoge.
8 Ome-e-sui-yardakdiidgi, be bangue.
9 adi, melle dule-baid-aku-be-dakedga be-arbasadgi-ibmar-nikusad be ukegar,
10 Degiile, dule-baid be-ganguedgi yeer-itogoed.
11 Geb agine, bela binna-binna be-san bergumaidba,
12 Agi be sogdoed: “Ar wede, ibiga dule-anga-binsaed-uksamalad an itossuli.
13 Dule-anga-binsaed-daknanai-gusmalad an itossulid.
14 Emide, dulemar-abargi, an oitolegednaga gudiid,
15 Be nog-gobbigualile,
16 Unnila be-omesebi be golo,
17 Be-ome unnila begadbiid,
18 Ome-bega-uklesadgi nued-binsalesun.
19 Ome goe-sapuryob, yeer dakleged.
20 Machi, melle ome-baidse-binsaed-galedii be guo,
21 Bab-Jehová bela dulemar-e-daed nue-wisid.
22 Ibmar-isgana, dule-isganagi aibinoed,
23 Dule-isgana, igar-maidba-nanabisulidbali burgwidoed.