1 Machimala, bab-be-unaed nue be itomala,
2 Igar-nuegangi an be-odurdakgwelo,
3 An bipigwaunni, an-babba-an-gudigusgua,
4 an-bab an-odurdaksad, weyob anga sogsad:
5 Binsaed-nikagued be amie,
6 Binsaed-nikaguedgi melle be bangue,
7 Ibmar-baigan-idu, nue-binsaed-nikagued bur be amie.
8 Binsaed-nikaguedbina bur be soge,
9 Binsaed-nikaguedi bega akwa-nuegan-ologurgingi-sigeyob gued.
10 Machi, we-napneggi suibaksaar be gudiguega,
11 Binsaed-nikagued-igarba an be-semaid,
12 Be binnaa nadapsogele, bega ibmar-nueganbi guoed.
13 An be-odurdaked mer be iego, melle be indako,
14 Dule-isganamarba melle be akae.
15 A-dulemargi be bangue.
16 Dule-isganamar ibmar-isgana-imaksurmalale, geg gabdamalad,
17 Ibmar-isgana-imaked mas-gunnedba bur-yeer itodamalad.
18 Igi bolegoe neg-ainakwiardae, deyobi, dule-nuegan-e-nanaedi gued.
19 Dulemar-isgana-e-nanaeddi negsichid-naidyobi gued,
20 Machi, an bega binsaed-uked, nue be itoge,
21 An be-odurdakedgi melle be bangue,
22 Ar dule binsaed-nikagunonikile, ega burba-duladga gued,
23 Bela ibmar-sunsogmalad-baiganba, be-binsaedi nue-itoakwaa be ebugo.
24 Gaya-isgana-sunmaked be indake,
25 Ibmar-nueganginbi be atake,
26 Be-nanadiid nue be dake.
27 Melle igar-nuedgi be aibane.