1 Rey-Lemuel-ibmarmar-sogsad. E-nana we-igargi Lemuel-odurdaksad:
2 “Machi, ¿igi an bega ibmar sogsale?
3 ”Melle omeganbina surbinsa itogo.
4 ”Lemuel, reymar sisa-gobedi, igar-nuedsulid.
5 Abakale, mumgudedgi, igar-maid iedmalale,
6 Bur be dulemar-burgwedanigus-maidga sisa uke,
7 adi, itoba na mumgumalagar, ibmar-abesa-gudiid, iemalagar,
8 ”Dule-belagwadamalad-ular be sunmake,
9 Wemar-ular be sunmake,
10 Ome-innikigwadba-e-daed-oyogedi, ¿doa amioe?
11 E-sui egi bensurdaed.
12 Ome e-suiga, bane-bane ibidar-nuedga gued,
13 Ome, lino-dub-baknaddaed, sibad-wawaad-e-absar baknaddabalid,
14 Igi-ur-dummagan-ibmar-ukedi, dikasuli-mas-sedanidae,
15 Bolegoedba gwichiguardaed,
16 Nainu-nued amidaed, geb nainu bakdaed,
17 Ome, arbaega, guagwar gunaidaed,
18 Ome, e-ibmar-ukedi nueganbi nasgumaidaed.
19 Argan-nailik mor-sobed-naku gani sidaed.
20 Ome, dule-wileged-bendakdaed,
21 Dambed-sibudik-sibudik batealile, e-mimmiganga bukib-binsadasulid.
22 Ome na dukin, ubsan-mor-uki mor-baid makdaed,
23 Dulemar bela neggweburgi e-sui mag-dakedbimalad.
24 Ome, lino-mor-nued-sobedi, saderba-mor-nagumalad-imakedi,
25 Ome, innikigwadba gudidaed. E-nug dummarbaa gued.
26 Sunmakdele, binsaed-nikaa sunmakdedaed,
27 E-neguya-selemaidgi nue-nakuledaed,
28 E-mimmigan, e-nanga sokardaed, bedi nan-nuedye.
29 “Ome-nuegan bukidar nikaye,
30 Yeerdaklegedi, dule-yamogedid. Yeerdaklegedi, sikwas yeer dakledaed.
31 Dulemar, ome-e-ibmar-imaked magar dakmarsun.