1 We-binsaed-nuegana Salomón onosbalid. Judá-rey-Ezequíasʼga dule-garda-narmakmaladi we-binsaedmar nue-ilemakar narmaksad.
2 Ibmar-dukuar-mamaidi, Bab-Dummad-e-gandikid-e-wilub oyoged.
3 Dule, nagase nibneg-nibgued balamiosulid,
4 Mani-dulenaidgi-durgan-welegoed be mie.
5 Rey-asabin dule-isgana be onoge.
6 Melle rey-asabin dule-nug-nikadga be san-imako.
7 rey bur bega soged nabirid: “Wese be sigda”
8 melle gwae-gwae dummaganse-odonao.
9 Bebogwa igar-gwatirisad be nudako.
10 Ar be dule-baidga ibmar-sogele, we-dule, sunna be-nug oichoged.
11 Iba-sogedba ibmar-soglegedi,
12 Dule-binsaed-ibedi, nuedgi dulega gannabasaar-ibmar-sogsiile, dulega olargan-dummaganba bur bule ibnuedid,
13 Igi-neg-diopisulidgi, neg-diopigwad yeer-itoledae,
14 Igi-dii-wioeyobi neg-ainakwis sii dakledae,
15 Gwae-gwaesuli, binnasdikigwadgi, dule-nuga-nikad-e-binsaed ogwaleged.
16 Be achanis amisale, melle dogdar-mao.
17 Melle bali-bali dule-baid-negse nanao.
18 Dule, e-aigi gakansaar-sunmakedi, akwa-mamaredyob gued.
19 Dule, suli-suli-itogedgine, dule-isganagi bensuli gunonikile, nugar-nunmakedyob gued.
20 Dule-bukib-binsaedba-wile-itodiidgala namaklemaladgi-namakedi, nuedsulid.
21 Be-isdarad ukudmaada-itogele, masgi ogunno,
22 Deyob be a-dule-imakele, be nue-obingegsaoed,
23 Dii-burwa-goledbali dii-wied danidaed.
24 Ome-ursili-ebo neg-dummadgi-megedbali, bur nabirsursi,
25 Igi-uku-uku-itolegedgi dii-dambipigwad gobledae,
26 Dule-innikidaedi, dule-isgana-abin sikirmakele, dii-isgumaidaeyobi gued.
27 Achanis-gadi-maele, ichakwagwad.
28 Dule-san-bargaed-wissulidi,