1 Melle be dule-isganamargi nobgue,
2 Ar e-gwagegi unnila emar-sabsur-imakedgi binsamalad,
3 Nue-binsaed-nikaguedba neg sobleged.
4 Itoakwaa-binsalegedba e-gabednegmaryaba
5 Dule-binsaed-ibedi, dule-gandikidid.
6 Nue-igar-amiale, bila onoleged.
7 Dule-binsaedsulidaedi, dule-binsaed-ibedga gwen guosurguoed.
8 Dule unnila ibmar-isganaginbi-binsaedi, egi-soglegoed:
9 Dule-binsaedsulidaedi, unnila isguedginbi binsaed.
10 Ar be bonigan-abin sikirmakele,
11 Dulemar-burgwed-igarse-nadapmalad be ollor-imake,
12 Ar amba be sogele: “An wissulinye.”
13 Machi, achanis be mae, ar yeer-maleged,
14 Binsaed-nikaguedi, achanisyob bega ochii gumogoed.
15 Dule-isgana, melle be dule-nued-oakalogedgi binsae.
16 Dule-nuedi, amba ilagugle (7) aimukuele, gannar gwisgubaloed.
17 Be-isdaradi aimukusale, mer be yeer-itogo.
18 Ar Bab-Jehová egi-be-wergue be-dakalile, be-daed nabir-dakosulid.
19 Melle be dule-isganamarba akae.
20 Ar dule-isgana nuedgi berguosulid.
21 Machi, Bab-Jehová-dobekwaa be nanae,
22 Ar wemar ukiagwale, sabsur-odurdaklemaloed.
23 Dule-binsaed-ibegan amba we-ibmar sogsamarbalid:
24 Dule-igar-naboged, dule-ibmar-oakalosad ibmar-oakalossuliyob dakele,
25 Ar dule-igar-nabogedi, dule-ibmar-oakalosad-sabsur-odurdakerdi, dulemar yeer dakmaloed,
26 Napiragwadgi dule-abinsaed,
27 Ibmar-digoed guakwa be urbe,
28 Melle be ibmar-daksasuli dule-baidgi sunmako,
29 Melle be sogo: “Igi be an-imaksa, deyob an be-imakmogoed.
30 Dule-wiegala-e-nainu-dikarba an nasad,
31 A-nainugine, ikomar yaisur an daksad,
32 An weyob ibmar-daksadi bipisaale, an iessulid.
33 Ar be sikwas gabele,
34 wilegedi, dule-atursaedyob begi nonikoed,