1 Be dule-dummadbo mas-gunsokalile,
2 Ar be gadi-mas-gunnele,
3 Melle be e-mas-yeer-gullegedbina soge,
4 Melle be ibmar-nuegan-nikuega surbinsa-itodii gue.
5 Ar be nuekwaa dakdele, be daksaled,
6 Melle be dule-nallegaladbo mas-gunne.
7 Ar e-masde, gammugi-sailagia-megeyob gued.
8 A-sorbali, be bela mas-guchad agoed,
9 Melle be dule-binsaedsulidaedga binsaed dako.
10 Melle dikasurgus-nainu-abingunaidgi ibmar-ogwichismalad be oniro.
11 Ar wemar Dule-E-Bendaked-Gandikid nikad.
12 Ibmar-durdaksadba be ibmar imake,
13 Melle be mimmigan-odurdaksuli gue,
14 Ar bur be molidubgi-bibyogele,
15 Machi, be dule-binsaed-ibedga gunonikile, gwagegi an weligwar itomogoed.
16 Be-sunmakedi, napiragwadba be sunmakele, ulubgi an yeer itononikoed.
17 Melle be dule-isganamargi nobgue,
18 Adi, yoedse bega ibmar nueganbi guoed,
19 Machi, nue be itoge, binsaed-nikaa be dae,
20 Dule-gadi-mumgumaladba mer be akae.
21 Ar dule-gadi-mumgumaladi, degi, gadi-mas-gunmaladi, dule-wilegedga gumaloed.
22 Be-bab-we-napnegse-be-odenonikid be itoge,
23 Igar-napiragwad, nue-binsaed-nikagued, be amie.
24 Dule-nued-e-baba na bela-bela yeer itoged.
25 Be-bab, degi, be-nan, werguega be imake.
26 Machi, an-bega-binsaed-dakdiidgi be binsae,
27 Ar ome-gambanuchu-imakedi, yaa-dummad-matusursiidyob gued.
28 We-omedi, dule-atursaedyob matarmakdidaed.
29 Dule-mumgued-iedisulidi, dule-sisamar-galagwensuli-gobedi,
30 Dule-mumgued-iedisulidi, dule-sisamar-galagwensuli-gobedi, deyob gued.
31 Vino-gisi-daklesidaedbina mer be soge,
32 Degi-inigwele, dubgi-warmakeyobi, be itogoed.
33 Ibya-apurega be-imakoed,
34 Magadba-yakumaknadapiyob be itogoed,
35 Be sogdagoed: “An-naibi-imaksamala,