1 Ibmar-nuegan-bukidar-nikadba, bur nuedid, nug-nued nikued.
2 Mani-ibed, degi, dule-wileged, ¿ibugi emar gumala?
3 Dule-itoakwaadaed magar bonigan-daked, bonigangi banguddaed.
4 San-bipi-imaklegedgi, Bab-Jehová-nug-odummolegedgi we-ibmar-sogbaagwad danikid:
5 Dule-isganamar-gudiidbina, ikomar bukwad, sakimar bukwad.
6 Igar-innikigwadgi mimmigan be odurdake.
7 Dule-mani-ibed, dule-wilemalad-e-dummad gued.
8 Dule-ibmar-isgana-imaked, bonigan amied.
9 Dule emar-wiledakele, egi nued binsalegoed.
10 Dule-gadi-urwed-amied be ononnoge,
11 Dule innikigwadgi-ibmar-sogedi, e-sunmaked-yeer-itolegedi,
12 Bab-Jehová dule-binsaed-ibedgi nakuleged.
13 Dule-wiegala yapa-arbaedba sogdaed: “Achumigur-nono-wawaad magaba gudiiye.
14 Ome-sui-dikarba-yoleged-e-gaya, yaa-matusur-siidyob gued.
15 Uayasulidaedi, gusgu burwigana-e-daedid.
16 Dule, mani-bur bule-nikuega, dule-wileged-mesagwar imaked.
17 Dule-binsaed-ibed-e-sunmakedi, nuekwaa be itoge.
18 Ar be we-ibmar nonogi-gaele,
19 Bab-Jehováʼgi be mer benguega,
20 Emi, an bega durgwen-gakambe (30) binsaed-nuegan-ibmar-wisigued narmaksad.
21 Adi, be gayaburba-napiragwadi, wisi guega,
22 Melle dule-wileged-ibe be ibmar-atursae, ar wede, dule-wilegedid.
23 Ar Bab-Jehová wemar-ular gwisguoed,
24 Melle be dule-emar-sabsur-imaked-e-aiga gue.
25 Ar e-ichakwadamalad be durdaksale,
26 Melle be emar-anar ibmar-imakoye sogo.
27 Ar be bennukega mani-sate-gualile,
28 Melle be-dadgan dikasurgus-nainu-abingunaidgi
29 ¿Dule e-arbaedgi nued-arbaed be dakdii?