1 Ome-binsaed-ibed e-neguya onasgued.
2 Dule-inniki-nanadiid, Bab-Jehová-sogedba gudiid.
3 Dule-binsaedsulidaed-e-sunmaked, unnila na san-odummogedgi sunmaked.
4 Dule moli-bebe-nikad-satele, e-ob-aila binsa ollo sigoed.
5 Dule-ibmar-gusad-barsoged-innikigwad, wissur-gakansaed.
6 Dule-galagwensulidaedi aisaar binsaed-nued nikubi gudidaenad, degi-inigwele, gwen amiosur guoed.
7 Dule-binsaedsulidaedgi be bannaba gudisae,
8 Dule-itoakwaadaedi, binsaed-nued-nikadba na magar neg-itoge gudiid.
9 Dule-binsaedsulidaedi, unnila isguedgi burgudiid.
10 Dule, na sana-walagwen e-nunmaked magar itoged.
11 Dule-isgana-e-neguya bela bergudoed.
12 Imbagwenale, dule na e-ibmar-imakedi, inniki-imakye bidaed,
13 Imbagwenale, alled-abalagine, gwage-nunmaked itoleged.
14 Dule-binsaedsulidaedi, na e-igar-isganagi wergudiid.
15 Dule-baisur-binsaedi, baisursunna binsaed-galeged.
16 Dule-binsaed-ibedi, ibmar-isgana-abin dobekwaa nanaed,
17 Dule-baisursunna-urwedi, galagwensuli ibmar imaked.
18 Dule-baisur-binsaedi, unnila galagwensur-binsaleged abingaoed.
19 Dule-isganamar, dule-nued-asabin yokorgi-sindigar sigmaloed.
20 Dule-wilegedi, e-aimarbela isdarsunna dakdamalad.
21 Dule, dule-mesagwar-imakdiile, bato isgusye sogleged.
22 Dule-galagwensuli-binsadiid igar-noar imaked.
23 Nue-arbalegedgine, ibmar-nuegan amileged.
24 Dule-binsaed-ibedi, e-binsaed-nikaguedgi e-nug dungued.
25 Dule-ibmar-gusad-barsoged-innikigwadi, burgwedgi nue-emar-bendaked.
26 Bab-Jehováʼgi-dobekwaa-nanalegedgine, bela-bela bendakleged siid.
27 Bab-Jehováʼgi-dobekwaa-nanalegedgine, nued-gudiguleged amileged.
28 Rey-e-garganguedi e-dulemar-bukidarad-nikadba siid.
29 Dule baisursunna-urwesulidi, magasar neg-itoged.
30 Dule-gwage-bogidik-nikadi, nued-gudii gued.
31 Dule-wileged-apor-imakedi, Bab-Dummadgine-yolenaid.
32 Dule-isgana e-ibmar-isgana-imakedgi boni-amied.
33 Dule-binsaed-ibed-e-gwagegine binsaed-nikagued naid.
34 Ibmar-inniki-imaklegedgi neggwebur ogannolesiid.
35 Rey, e-mai-itoakwaa-gudiidgi, nued-binsaed oyoged.