1 Binnalegwadgi dule-urwenaid-abin-imakedi, urweleged bargaleged.
2 Dule-binsaed-ibed-e-sunmakedi, binsaed-nuegan uked.
3 Bab-Jehová bela negdakmaid.
4 Gayaburba-gwage-gadi-gadi-imakedi, ina-nuediyobid.
5 Dule-binsaedsulidaedi, e-bab-e-unaed isdarsunna itodaed.
6 Dule-innikidaed-e-neggine, ibmar-bukidar nikaguad.
7 Dule-binsaed-ibegan-e-sunmakedgi, binsaed-nuegan ainied.
8 Bab-Jehová dule-isgana-ega-ibmar-ogumakar-ukedi, gwen nabir-daksulid.
9 Bab-Jehová dule-isgana-e-daed gwen nabir-daksulid.
10 Dule-galagwensuli-gudiidga, sabsur-odurdakleged-igar maid.
11 Bab-Jehováʼgi, neg-uan dukumaisulid,
12 Dule-gwen-nabir-dasulidi, dule-ese-goled isdar-itodaed,
13 Gwage-weligwaledi, wagargi magar dakleged.
14 Dule-magar-neg-itogedi, unnila binsaed-nuedbina gudidaed.
15 Dule-wile-itodiidgala, iba-nuegan gwen naisulid.
16 Dule ibmar-bukidar-nikad-ular, sulibinsa-itodiidba bur nuedid,
17 Isdar-itogedgi, moli-san-isesaar-gunsiidba bur nuedid,
18 Dule-gadi-urwedi, emarga gadi-urwed amied.
19 Dule-wiegalaga neg ikoganbi gued.
20 Machi-binsaed-ibedi, e-bab-weligwar imaked.
21 Dule-binsaedsulidaedi, e-binsaedsulidba na wergudiid.
22 Binsaed-nuegan-satele, igarmar apurnonidaed.
23 Ibmar-nued-soglegedi yeer-itole emar-imaked.
24 Dule-binsaed-ibedi, igar-nueganba nakwemaid.
25 Bab-Jehová, dule-san-dummarba-imakdiid-e-neg obeloged.
26 Bab-Jehová, dule-isgana-e-binsaed isdarsun-daked,
27 Dule-ibmarbina-suli-binsa-itogedi e-neguyaga boni-uked.
28 Dule-innikidaedi, emar-abin-imaksokalile, ise-binsaar imaked.
29 Bab-Jehová dule-isganamar-itosulid.
30 Dule, weligwaledba-emar-dakedi, emar-gwage-weligwar imaked.
31 Dule, emar-ega-ibmar-nabir-sogedi nabir-itogele,
32 Dule, odurdakleged-igar isdarsunna dakele, na dukin isdarsunna dakdiid.
33 Bab-Jehováʼgi-dobekwaa-nanalegedgi binsaed-nikagued amileged, egi odurdakleged-igar-nued amilebalid.