1 ¡Or gudure daklegusad!
2 Sión-dulemar bur bule epenne olo-nueganba e-bina soglegenad,
3 Achu-sapurmarbela na e-mimmigan-onuegala ega mam uked.
4 Burwigana ukudmaad-itogedbali,
5 Dulemar iduar mas-nuegan gundidamalanad,
6 Jerusalén-dulemar-e-isguedi, bur bule Sodoma-dulemar-e-isgusadba gued.
7 Jerusalén-e-dummagan, boobali bur sibudik daklenanaenad,
8 Emidi, e-daklegedi negsichidba bur gudure daklemalad,
9 Dulemar-es-suidgi-burgwismalad bur nuedid,
10 Nangan-sabed-nikamalad, na dukin e-mimmigan-dunanai gusmalad.
11 Bab-Jehová bela-bela e-sae-itoged bar bargassulid,
12 Reymar-we-napneggi-negsemamaidi,
13 Neg-gunonikidi, Bab-Dummad-gayaburba-barsogmalad-e-isgusad-ulale, deyob neg-gunonikid.
14 We-dulemar ibyasuliyob igarba gudidimalad,
15 Dulemar iseed ega sogmalad: “Dule-swilidiksurmalad, wegi be namala.
16 Bab-Jehová uludedba wemar-obachad,
17 Anmar binsarsunna bendakleged-edarbediidbali, geg nue atakgusad.
18 Ar anmargi nakuledidii nanaed,
19 Anmar-balegindimalad, sulubagimarba bur bule nanamalad.
20 Dule-Bab-Jehováʼse-nug-imaklesad,
21 Edom-dulemar, Uz-yargi rey-bundoryob be gudimalad,
22 Sión-neggwebur-yeerdakleged, be-sabsur-odurdakleged bergunonisunnad.