1 Bab-Jehováʼye, anmar-gusadi be ebinsae,
2 Anmarga-ibmar-uklegoye-soglesadi, dule-bamalad anmar-ibe susad.
3 Anmar bab-sated, anmar dule-sergan-satedga gunonikid.
4 Anmar dii-gobedi bennukergebed,
5 Anmar-balegindimaladi, bato anmar-bargadanikid.
6 Anmar mas-gunned-amiegala, Egipto-dulemarse argan-oyonai gualid.
7 Anmar-babgan isgusmaladba burgwismalad.
8 Emide, maiga-gudidimalad, anmar-dummadga gunonimalad.
9 Anmar mas-amiegala,
10 Anmar ukudmaad-itogedbali, uelledmalad.
11 Sión-neggweburgi omegangi nue-dodolesad,
12 Anmar-dummagan argangi-atinnar bannu-bannu nasiklesmalad,
13 Anmar-sapingan ibmar-gwag-nagega imaksamalad.
14 Neggwebur-yawagak-noedgi sapin-dummagan bar ambikusurmalad.
15 Anmar bar weligwar itosulid,
16 Anmar ologurgin bar sisurgusad.
17 Anmar gargangued bergumaid,
18 Ar Sión-yargi bar dule gudisulid,
19 Degi-inigwele, be Bab-Jehová, degisadegu negsemaid,
20 Bab-Dummad, ¿ibiga be anmar-iesdae?
21 Bab-Jehová, gannar anmar bese-dagega be anmar-imake,
22 Innikigwadba be anmar-obachad,