1 Degine, Job ega-sunmaknaid-abin weyob sogded:
2 “An-naibi-itodiidi, an-wiles-itodiidbogwa,
3 Ar nabir-aidolegena, demar-ukubba bur bule aidikueled.
4 Ar Bab-Dummad-Bela-Gangued-Nikad-e-sigumar naibi-an-imaksad.
5 Moli-uayasuidi gagan-dikarba-gunaile, ¿masbina bonaidae?
6 ¿Ar mas balu-sulile, nued-gulle be ebinsae? Suli. Nued gullesuli.
7 An bonigan-abganaid-abesulidi,
8 ”Bitigi Bab-Dummadi, an-ibmar-egisnaidi, anga imaksana gadin.
9 Bab-Dummad ilagwen an-obelosunnana gadin,
10 Ar adi, anga bonigan ibnuedga gusaled, an yeer-itosaled.
11 ”Bato an bela gudisoggu, ¿ibu bar an edarbosunna?
12 ¿Ar an akwayob gangusi?
13 An wargwen geg na dukin bendaked,
14 ”Dule-naibi-itodidbela, e-ai ega-gwage-armaked nikad.
15 Ar bemardina, an-aimar-inigwele, be baisur an-dakdemalad.
16 Ar dii-gwamakar-bukwad daludele, dii-amuregedga naddae,
17 Ar igi yor-mosale, diwar-dinnamaile geg bar iirmake,
18 Dulemar-danagwen-dummad-nadapdamaladi, e-igar-nadapidgi aibatele,
19 Temánʼginmalad-danagwenmaladi, dii-amiegala naddamalad,
20 Dii-nue-amio-itosmalanad, degi-inigwele, dii-dinna-mai dakdapmalale,
21 Debayobi, bemar gudmarmogad,
22 ¿An bemarse ibmar egichasi, wis be anga ibmar udamarye?
23 ¿An bemarse gochasi, an-isdarmaladgi be an-bendakdamarye?
24 ”Be anga sogmardo, ibugi nodii be an-dake.
25 Bemar innikigwadba be anga ibmar sognaina, an bemar-abin isdar itogosulinad.
26 Mer an-sunmakedba be angi yolemala,
27 An be-dakedi, sunna be dule-sergan-sated ibmargi-dodoar-wilubdakar be uksamalar an be-dakdo,
28 ”Nue be ise-nuu an-dakmala.
29 Be nue itomala, mer yogasaar be angi yolemala.
30 An-bemarga-ibmar-sogedi, gakansulid.