1 Job sogdebalid:
2 Igi maigagudiid gwae-neg-mutikgusana gadinye binsadidae,
3 deyobi, an nii-irbali wile-itodii gusad,
4 An mutikidba megisale, an binsamaidaed,
5 Bela an-san nus biinid.
6 An-bergued-ibagan binna-binna nadapsulid,
7 ”Bab-Dummad, be ebinsao,
8 An bergudele, dulemar gwen bar an-dakosulid.
9 Igi mogirmar aisakiddae, gwen bar dakleddasuli,
10 E-negse geg gannar bar aibired,
11 ”Degisoggu, an sunmakedi gege bar an boggued.
12 ¿Demargi ibdula-dummad-gudiiyob be an-daksi?
13 Imbagwenar an binsaardaed:
14 Amba an gabmaidibe, be an-ogwayeardaed,
15 Bur an-gammu-gasmarsunnana gadin,
16 An-gudiidi, nabir an gwen itosulid,
17 ”¿Wede dule ibusunna, bede dummarbaa imaked?
18 ¿Ar ibiga be bane-bane egi be atakdii?
19 Bab-Dummad, ¿sana be angi-nakulediid iegoe?
20 Ar an begi nosye-sogele, ¿igi an-isguedde be-imakosunna?
21 Bab-Dummad, ¿ibiga geg be an-isgued elisunna?