1 Elifaz sogdebalid:
2 Ar emargi-isdar-binsalegedi, dule-binsaedsulid-oburgwed.
3 An-sunnad an dakdaed,
4 Dule-binsaed-sulidaed-e-mimmigandina, dule-e-bendaked satedaed,
5 Deginbali, dule-binsaedsulidaed-e-ibmar-digarmaladi, dule-ukudmaada-gudimalad e-ibe wedamalad.
6 Ar ibmar-isgana, yogasaar ainisulid.
7 Ar igi soo-e-ditismakedi soogi daniki,
8 ”Ani an weyob gunaina,
9 Ar Bab-Dummad ibmar-gegerdaklemalad imaked,
10 Ar Bab-Dummadi dii owimaid,
11 Bab-Dummadi, dule-san-dummarba-imaksulid-e-nug ogannoged,
12 Bab-Dummadi, dule-emar-binsaed-gaed-ibe binsaed obured,
13 Bab-Dummadi, dule-emar-binsaed-gaed-e-binsaed, egi aibinega imaked,
14 Bab-Dummadi, a-dule ibgine yolegega imaked.
15 Bab-Dummadi, dule-wileged bendaked,
16 Ar Bab-Dummadi, dule-wileged ogannoged,
17 ”Dule Bab-Dummadse-nuguega-odurdaklegedi, ¡egi nued binsalesadid!
18 Ar Bab-Dummadi, naibi-emar-imak-inigwele, emar-nudakbalid.
19 Bab-Dummadi, bonigangi be-ollorsamaiguad.
20 Ukud-dummad-nagunonikile, Bab-Dummadi be-oburgwega be-imakosulid.
21 Gaya-isgana begi milealile, Bab-Dummadi, akarguega be-imakosulid.
22 Aka be neg-isgued-abin alledii guoed,
23 Ar akwamar be-nainu oichogosulid, ibnuedga bega guoed.
24 Be-neguyagine, nueganbi be garmakdii guoed,
25 Mimmigan-bukidar be nikuoed,
26 Seredgi amba nollosuli be neg-uangi megdapoed.
27 ”Ar anmar bela we-ibmar bega sogedi, bato anmar nue-daksad, we nue-napiragwadid.