1 Job sogdebalid:
2 ¿Ibu-ibmar-nued Bab-Dummad-Bur-Biriginedgine amilege?
3 ¿We-odurdaklegedde dule-isganamargadsursi?
4 Bab-Dummad, ¿an-ibmar-nued-imakdiid daksursi?
5 ”An igar-isganaba nanasale,
6 Bab-Dummad an-wilubdaksundo.
7 An ibmar-nued-imakedgi bangusale,
8 an-ibmar-digsadi bela ani gunmarsundo.
9 ”Ome-gwensakse an binsaed galesale,
10 an-ome dule-baid-omega gusunnodo,
11 Ar deyob an ibmar imaknonikile, binged-dummad anga gunonikiled.
12 Soo-dummad-neg-gasayob gusaled,
13 ”An-maiga-gudimalad anga sognonimalale,
14 Degisulile, Bab-Dummad igar-itogega anse gollalile,
15 Bab-Dummadi, we-napnegse-an-odenonikidid,
16 ”Dule-wilemaladi ibmar-abealile, an ega ukdidaed.
17 Bipisaagwale walagwen an mas gundisulid,
18 An sapingwad-akale, we-dulemarga e-babyob an gudii gusad.
19 Dule-wilemaladi an morsuli imakdii gussulid,
20 An dule-wilegedga an-sibad-wawaad-mor uksagusad.
21 Dule-sergan-satedgi an dodossulid,
22 An yamo-gakansanaile, an-swidamar bela batesunnodo,
23 An gusgu Bab-Dummad-emar-sabsur-odurdakedgi dobekwaa gudiid.
24 ”Orginbi an atakdii gussulid,
25 An ibmar-bukidar-nikadba an na san dummarba imaksasulid.
26 Deginbali, dad-ibeler-ganai an dakdaed,
27 Degi-inigwele, bipisaagwale, an emar-wagab we-e-nugmar odummodisulid,
28 An we-ibmar-nug odummosana, an odurdaklegedinad.
29 ”An-isdarmalad boniganse sabsur-odurdaklenaile, egi burgunai an gudisulid.
30 Degine, an-isdaradgi ukabsaale, an sunmakdisulid.
31 Dule-gwensak an-negse-ataknadele, masgi an ogunnedsedaed.
32 Dule-ainebalid an-neggi an nuekwaa ogabdiid,
33 Dulemar-isgued-odukuedyobi an-isgued an odukudisulid.
34 An-gwenadgan-isdar-an-dakmalad-abin an boo sigissulid,
35 ”Bitigi Bab-Dummadi an-itosana gadin.
36 Bab-Dummad-akar-angi-sogoedi, nuedgi an sedii guoed,
37 Bab-Dummad-asabin an gwisgudapile, bela an na barsogoed.
38 ”An-nainumar angi gwisgunanaile,
39 gwenadgan-ibe, ibmar-gwag-bennussuli an guchale,
40 an-nainugi trigo-digaled-muchubbi, gagan-ikobiid ainisundo.