1 “Emisgindi, sapingan-burwigana anga alliardamalad.
2 Ar anga-arbamarye-sogele, ¿ar ibu wis anga imaksamalale?
3 We-dulemar, neg-mutikidba negsulidganba gaamakdidamalad,
4 We-dulemar ibmar-gunnegala, gagan-moododba ibmar-gwag wedidamalad,
5 Neggweburginbela isdar we-dulemar-dakdamalad,
6 Agala, we-dulemar dian-dinnaganaba gudidamalad,
7 Moli-uayasuid-goledyobi gagan-bulaba gormakdidamalad,
8 We-dulemar dule-abelesurmaladid,
9 ”Emisgindi, aka we-sapinganga an dodogedga gued,
10 Ima an-dakdemalad, deyob-an-dakedbali angi bangudmalad,
11 Emidi, Bab-Dummad bela-bela mesagwar an-imaksasoggu, dule-an-bendaked-satesoggu,
12 Dule-isganamar an-argan-nuedsiki angi noarmalad,
13 An-obelogegala, an-iduar gwisgunonimalad.
14 Igi bila-onomalad igar-ollo-imaksamaladba danidae,
15 Ise an gwayale gusad,
16 ”Emisgindi, nue an-san bergudani an itoged,
17 An-garmarse-bakale, nunumaker an itogusad.
18 Bab-Dummadi dukarba-an-gasagunaiyob an-wionaid.
19 Bab-Dummad olligangi an-barmeted,
20 ”Bab-Dummad, an bese gornainad, gwen be an-itosulid.
21 Bab-Dummad, gwen-sabe be an-imaksulid,
22 Igi ibmar burwaba-seleddae, deyobi, be an-imaksad.
23 Bab-Dummad, neg-uan-urba be an-semaid an nue-wisid.
24 ”Dule-galakusmaidi, geg be bar sarsoged,
25 ¿Dule-boniba-galitodimaladba an bonai gussursi?
26 Anga-ibnued-gued an edarbediidgine, aka ibmar-isgana anga gunonikid.
27 Bane-bane sulibinsa an itodiid,
28 An wile-itodiid, an bodiidbiid.
29 Emide, achu-sapur-e-gwenadganayob an gunonisunnad,
30 An-ukamar bela gudure naded, an-ukamar an-ibe yaas-yaas naded.
31 An-gar-arpa-goledi, wilesakwaa gorgusad,