1 Job gannar sunmakdebalid, weyob sogded:
2 “Bitigi Bab-Dummad-nue-an-akwedigusad-ibagan-nasadyobi,
3 Ar negsichiganba dobsuli an gudidaed,
4 An sapingwaunni, amba an gannarba-gudidaeunni,
5 ”Bab-Dummad-Bela-Gangued-Nikad anba gudidaeunni,
6 Deyob-gudiidgine, an-mesegine wilub-obicha mas an nikagudaed.
7 Igar-itogegala, neggwebur-e-yawagak-noedse an signadele,
8 sapingan, yog-ainiar an-iduar imakdamalad,
9 Dule-nuga-nikamaladi, bogi-ambikusdamalad, bar-sunmakdasurmalad.
10 Dummadga-negdakmamaidse-bakale, an-asabinni binnasdikii sunmakdedamalad,
11 Dulemar an-sunmaked itodmalale, nued angi sunmakdamalad.
12 Dule-wilegana, anse wiledanikile, an bendakdaed.
13 Dule-na-bela-itodimaladi, angi ise-nued binsadamalad.
14 An gusgu igar-innikigwad an imakdaed,
15 Dule-aku-atakmaladga e-ibyayobi an gudii gusad.
16 Dule-ibmar-abesa-gudimaladga, an e-babyobi gudii gusad.
17 Dule-isganamar-e-gangued an obelosdabalid.
18 ”An weyob binsadii gualid: ‘Undar an gudii guoye,
19 Andi sapi-diwar-naba-gwichiyobi gued,
20 An-nug-dummarba-maid berguosurye,
21 ”Dulemar an-sunmaked-itodmalale, ise-itogar bukusdamalad.
22 An-gayaburba-sunmakedi nue yeer itodamalad,
23 An-sunmaked edarbedidamalad.
24 An dulemarga allee gualile,
25 Ani an ega igar oyodaed, ibi-igarba namaloe,