1 Agine Job abin-sogded:
2 “Bemar nue an-sunmaked itomala,
3 An sunmaknaile, mer sulibinsa alled-itomalo.
4 ”An-urwenaidi, dulemarbo an urwenaisulid.
5 Nue be an-dakmar.
6 We-ibmargi an binsaddibe an gwakiddaed,
7 ¿Ibiga dule-isganamar amba dula-gudinanae?
8 Dule-isganamar e-mimmigan-nasgumai daked,
9 Dule-isganamar e-neguyagi neg-bogidikid-nika gudidamalad, dobedsuli gudidamalad,
10 Dule-isgana-e-molimar-bebe-nikad e-dula-bakmalad sunsogmaladid.
11 Dule-isgana-e-mimmigan sibad-wawaadyob abarmakdidamalad,
12 Gar-tambor-goledbali, gar-arpa-goledbali, namakdedamarbalid.
13 Ar dule-isganamar-e-gudiidi, nueganbi gudidamalad.
14 Dule-isganamar Bab-Dummadga sogdedamalad:
15 Anmar e-nug-odummogega, Bab-Dummad-Bela-Gangued-Nikadde, ¿doasunna?
16 Dule-isganamar na e-ibmar-nuegan-nika-guega egi sisulid.
17 ”Dule-isganamar geg burgwe gudimalad. Undar iba-suitii gudidamalad.
18 Dule-isganamar, gagan-dinnagwadyob, burwa-dummadba-selemai dakledisulid.
19 Anga sogdamaloed, Bab-Dummad dule-isgana-e-mimmiganbi sabsur-odurdakoye, e-babgandi, odurdakosurye.
20 Dule-isgana e-wilegoed, e-ibyagwar na daksun.
21 Dule-isganamar bar undar-gudii guosulidbali,
22 ”¿Doa Bab-Dummad binsaed-nuegan-nikuega odurdakosunna?
23 Abar-dulemar nuchukwagwadgi burgwemalad,
24 Ibmar-bukidar-nikaa gudidamalanad,
25 Abar-dule sulibinsa-isdar-itodii burgwiddabalid,
26 Bela we-dulemar napa-yaba-burgwarmamaile, emarbi gumalad.
27 ”Ar bemar-binsabukwadi an wisid,
28 Bemar-binsananaid an wisbalid.
29 ¿Dule-bukidar-igarba-nanamaladse be egissurmarsi?
30 Dule-isgana bonigan-nonikile, akar-gusurdamalad.
31 ¿Doa dule-isganaga e-gudiidgi akar sogosunna?
32 Dule-isgana-burgwisar, neg-uanse-selesdibe,
33 Neg-uanse-e-bardakmalad bukidar ainiardaed.
34 ”Degite, ¿igi bemar an-gwage gadi-gadi imakosunna?