1 Weyobi, Zofar Naamat-neggweburgined, Job-abin sogded:
2 “An we-ibmar-itosad sunmakebier an-imaked.
3 We-ibmar-sunmaklesad-an-itosadi, isdarsunna an-imaked.
4 ”Neg-gusad be nue-wisimakaled,
5 dule-isgana-werguedi sikwas nagudaed.
6 Dule-isgana-e-san-dummarba-imakedi, amba nibnegse warmakdibe,
7 we-dule, e-ibmar-isgana-berguddaedyobi bergudoed.
8 We-dule gabdaklegedyobi bergudoed,
9 Dulemar, we-dule-isgana-daksagusmalad bar dakosurmalad.
10 We-dule-isgana-e-mimmigan, dule-wilegana-wiolesad bendakedsegad.
11 Dule-isgana sapingwagwadgine, gandik na itodiile,
12 ”We-dule ibmar-isgana ibnuedga imakdiid,
13 Gwen ibmar-isgana metebigudisulid,
14 Igi-dule ibmar-ochigwad dogdar-masale, saban-nunmaked ega ukdae,
15 Ibmar-bukidar-emar-yardakedgi-amisad gannar e-ibe sulegoed.
16 Dule-isgana-e-isguedi naibe-e-gichiyob gued,
17 Bela moli-nunis-bukidar, achanis-bukidar,
18 Ibmar-bukidar-amisadi, gannar uknai dakledagoed,
19 Dule-isgana dogdar dule-wilemalad wiosad,
20 ”We-dule-isgana sulibinsa ibmarbina-itodii gusad,
21 Ibmar gwen abin sigissulid, bela ese sulesad.
22 Ibmar-bukidar-nikadbali, sulibinsa-itodii gudoed,
23 Dule-isgana ibmarba nue-yeer-itodiidgine,
24 Dule-isgana aisaar gingimar-esgorogi-sobaledgi wakinbi-gudagoenad,
25 Sigu-esgoro-gordikidbiid egi yolenonikoedi, ungebigudagoenad,
26 Negasichidi, dule-isgana-edarbenaid,
27 Nibneg, dule-isgana-e-isgusad magar-dakle imaknonikoed.
28 Bab-Dummad-urwenonikoed-ibagine, dule-isgana-e-neg-bukwad,
29 Weyobi, Bab-Dummad dule-isganaga bergued nasiksad.