1 Job Elifaz-abin weyob sogded:
2 “We-ibmar bukidargus an weyob itodanikid,
3 ¿Ar bemar-yogasaar-sunmaked geg bergumarsi?
4 Ar bemar an-gunaiyob be gunanaimogana,
5 An-sunmakedgi an bemar-ogannosmalaled.
6 ”Ar an sunmaknaid gwen an-bendaksulid,
7 Bab-Dummad napiragwadba an-obelosad,
8 Bab-Dummadse nue an galesgunaid, nue angi yolesgunaid.
9 ”Bab-Dummad nue anse urwed, an ese balegillenaid, nue-ibitos itoleged.
10 An-isdarmalad angi dododmalad, an-wagar ogotemalad.
11 Bab-Dummad dule-isganamarse-ibitogega an-imaksad,
12 Iduardina, an bogidik gudiinad,
13 E-sigu-mimalad nue an-ebirisad,
14 Bia an naibigusa, agi gannar angi yolenonidaed,
15 ”An-naibi-itodiid-oyogegala, an wile-itoged-mor-yonai gualid.
16 An boedba an-wagar ginnitibigusad,
17 Degi-inigwele, an dule-emar-sabsur-imakedsulid,
18 ”Ar an burgwenonisundibe,
19 Ar dule-an-barsogoedi nibneggi maid.
20 Ar an-ai an-irwa-goledid,
21 adi, an-ai an-ular Bab-Dummadse golegar.
22 Bar an birga-suitii naosulid,