1 Geb agine, Temánʼgined-Elifaz, Jobʼga weyob sogded:
2 “Dule-binsaed-ibedi yogasaar sunmaksulid.
3 Dule-binsaed-ibedi, dule-baidbo abin-abin-imaknaidgine, yogasaar sunmaksulid.
4 Bedina, aka be Bab-Dummad-dobekwaa-nanaedi obelonaid.
5 Be-sunmakedi be-isguedba be sunmaknaid,
6 Be-sunmakedi dukin begi yolenaid, andi begi yolenaisulid.
7 ”¿Be-inse gwalules be itoge?
8 ¿Bebi binsaed-ibed be itosi?
9 Anmar bela be-ibmar-wisidi wismogad,
10 Anmar-abargine dadagan bukwad,
11 ¿Bab-Dummad gadi-gadi be-gwage-imaked be baisurdaksunde?
12 ¿Ibiga be surbinsa urwed-itoge?
13 ¿Ibiga be Bab-Dummadse urwe?
14 ”¿Igi-dule na ibmar-oakalodisurye sogosunna?
15 Bab-Dummad e-nug-odummodimaladginbela bengued,
16 Dulemarginbulesunna, e-abin swilidikidsulid.
17 ”Job, nue be an-itogo, an bega ibmar soggwelo.
18 We-ibmar dule-binsaed-ibegan anmar-odurdaksadi,
19 Agala, Bab-Dummadi a-dulemarga yala uknonikid.
20 Dule-isganadina, bane-bane nunmakedba-gar-itodii gudoed,
21 Dule-isgana ibmargoled-emar-ogwayed itoged,
22 Dule-isgana negsichidgi-wakinnodeeye gwen binsasulid,
23 Igar-wissuli garmakdiid, mula-masga-guega gudiid.
24 Wileged-dummad, suli-suli-itoged, bela-bela dobe-itogega imaked.
25 Ar Bab-Dummadgi ise-urwar argan-oyonai-gusad-ulale,
26 Ar dule-isgana Bab-Dummad-asabin ise-urwar gunaigusad,
27 ”Ar dule-isgana amba wagar-dukwa-dukwa-nika-inigwele,
28 neggwebur-ayaraledgi mai guoed,
29 We-dule-isgana, bar ibmar-ibedga guosulid,
30 Burgwedgi wakinnosulid, sapi-gannar-ainiardaed soogi-gummakeyob guoed.
31 Dule-isgana, ibmar-baisurmaladgi-yardaklediid iege,
32 Igi sapi e-sikleged-ibagan-idu sikleddae, e-anagan aramakosuli sikleddae,
33 Igi uva-dub-e-san, amba yoo-nue-gue batiddae,
34 Degidbali, dule-isganamar e-anagan nikuosulid,
35 Dule ibmar-isgana-imakedgi-binsaed, ibmar-isgana imaknonikoed,