1 Job sogdebalid:
2 Dule-emargi-dodomaladbi unnila an-ebiris-gunanaid,
3 ”Bab-Dummad, be an-ular mani-bennukega be an-bendakdage.
4 Bab-Dummad, we-dulemar-ibe be ebinsaed oburusad.
5 Ar dule manibina e-ai-urmakdibe,
6 ”Bab-Dummad, dulemar-angi-dodogar-sunmakega be imaksad,
7 Ibmar-nunmakedba bar an nue ataksurgusad,
8 Dule-nuegan an-dakalile, geger an-dakardamalad.
9 Degi-inigwele, ar dule-innikidaedi, e-gudiidbali, bur nued gudii guoed.
10 ”¡Dagmala! Anse gatik gwisgudamala.
11 An-bergued-ibagan nue-walikgusad,
12 We-dulemar neg-mutikid neg-ibginedyob dakdamalad.
13 ¿Ibu bar an edarbosunna?
14 Ar neg-uan an-babga guoed,
15 Degisoggu, ¿bia bendakleged-igar an amiosunna?
16 An ibmar-nued-edarbediid anba bergudoed,