1 Anmar-Bab-Dummadye, bitigi be nibneg egasana gadin,
2 Be-isdarmalad-abargi be-nug be oyodele,
3 Be aidenonigu, ibmar-geger-itolemalad, ibmar-gegerdaklemalad, anmar abdakbuksulid be imaksad,
4 Negasaila-akale, dule-egi-bensurmaladga ibmar-dummagan-imaked dakledisulid,
5 Dule-weligwaledgi-igar-innikigwad-imakdiid be abingaed,
6 Ar anmarde bela ibmar-isganayob gumalad.
7 Dule-wargwensaale, be-nug obarsulid,
8 Degi-inigwele, Bab-Jehová, bee be anmar-Babad.
9 Bab-Jehová, melle be bela-bela sae-itoge.
10 Be-neggweburmar-islidikmalad nega-dulesulidganga gunonikid.
11 Anmar-bese-goled-neg-yeerdakleged-islidikid, bia an-babgan bega namakbukdamala, bela soose gummaksa siid.
12 Bab-Jehová, weyob-ibmarmar-gusadgine, bede, ¿gwen ibmar akar imakosuli?