1 Edom-yar-akar danikid, ¿wede doawa?
2 ¿Ar ibiga be-mor ginnitibi daklege?
3 “An walagwen uva-egured-galugi uva-egurusad,
4 Buged-mai-imaked-iba bato an mesisad.
5 Dule-an-bendaked an edarbisanad, degi-inigwele, dule gwen an-bendaksasulid,
6 An-sae-itogedgi, dulemar-yar-baid-baidgi-bukmalad-birgi an annasad,
7 Bab-Jehová-e-sabgued-dummad an ebinsaoed,
8 Ar Bab-Dummad weyob sogsad:
9 Bab-Dummad dule-abonogega, dule-e-nuggi-sunmaked, degi, baliwitur, barmiarsulid,
10 Degi-inigwele, Israel-dulemar Bab-Jehováʼba ibsassurmalad,
11 E-dulamar, epenne neg-gusmalad-ebinsadmalad,
12 Dule e-gangued-nikadba Moisés-argan-nuedsik, Moisésʼba nadapigusad, emide, ¿bia nade?
13 Igi-moli nega-dulesulidganba gwen ibmargi-yolesuli nadapdae,
14 Igi-moli-bebe-nikamalad nebase gagan-manonidamala, deyobi,
15 Bab-Dummadye, mogir-billi-akale, be nue atake.
16 Degi-inigwele, be, anmar-Babad,
17 Bab-Jehová, ¿ibiga be-igargi banguega be anmar-imake?
18 Be-dulamar ichesaale be-neg-islidikid akwisad.
19 Emidi, anmala, be-anmar-dummad-iduedga-megissulidyob bukwad.