1 Bab-Dummad weyob soged:
2 ”¿Doa dad-nakwedsik, dule-gusgu-emargi-obinmaid wese-dagega imaksa?
3 Gwen nanadisulid-igarba, binnasuli dule-balegindanikid.
4 ¿Doa weyob imaksa? ¿Doa nabir we-ibmar bursuli-guega imaksa?
5 ”Neggwebur-demar-gakaba-bukmaladi, dani-daksamalad,
6 Muchub-muchub e-aimar-bendakdemalad,
7 Dule-ibmar-sobedi, dule-orgi-arbaed ogannoged.
8 Bab-Jehová sogdebalid:
9 Ar napneg-naid-ugakaase an be-susad,
10 Melle be gwayo.
11 ”Dule-isdar-be-dakmaladi, bingegudmaloed,
12 Be be-isdarmalad-amidiguo-inigwele, gwen be amiosulid.
13 Ar ani an be-Bab-Dummad-Jehová gued.
14 Bab-Jehová soged:
15 ”Ibmar-gwag-egwaed-binidyobi an be-imakmaloed,
16 Oros-gwag-burwaba-mileddaedyobi be imakoed.
17 Bab-Dummad sogdebalid:
18 Yalamar-biribali, diwarmar-iirmakega an imakoed,
19 Nega-dulesulidganbali, urwarmar, acacia-sapimar, an digoed.
20 Adi, dulemar dakega, degi, wisgumalaga,
21 Bab-Jehová Jacob-dulemar-e-Rey, ibmar-sobaled-bab-dummadyobi-imaklemaladga sogded:
22 Wese be dagmar, ibmar-guoed be sogmar.
23 Yoedse-negguoed be anmarga sogmar,
24 Ar bemar binsarmaladid,
25 Bab-Dummad sogdebalid:
26 ¿Ar doa we-ibmar-guoed gebesailaunni anmar-owisosa?
27 Ar ani an abgasaila Sión-dulemarga bato an sogsad: ‘Be dakmarye, bato wegi bukmarye.’
28 An-dikarbali an atakded,
29 Ar bela we-bab-dummagan-baigana binsa-ibmar-imaklemaladyobi gued.